पुर्णिमा विकास बैंकको हकप्रद भर्ने अन्तिम दिन पनि आज
मितेरी डेभलपमेण्ट बैंकको ५० प्रतिशत हकप्रद तथा फस्ट माईक्रोफाइनान्सको १५ प्रतिशत बोनस सुरक्षित गर्नका लागि शेयर किन्ने आज अन्तिम दिन हो । मितेरीले हकप्रद निष्काशनका लागि तथा फस्ट माइक्रोफाइनान्सले साधारण सभा प्रायोजनका लागि असोज ५ गते बुधबार शेयरधनी पुस्तिका बन्द गर्दैछन् ।

मितेरी डेभलपमेण्ट बैंकले ५० प्रतिशत हकप्रद शेयर निष्काशनको मिति सार्वजनिक गरिसकेको छैन भने फस्ट माईक्रोले असोज १९ गतेका लागि साधारण सभा बोलाएको छ । 

३० प्रतिशत बोनस तथा १ दशमलव ५८ प्रतिशत नगद लाभांस प्रस्ताव गरेको मितेरी डेभलपमेण्ट बैंकले गत आर्थिक वर्षमा खुद नाफालाई ६ करोड ४५ लाख ८९ हजार रुपैंयाबाट बढाएर ९ करोड ७२ लाख २७ हजार रुपैंया पुर्याएको छ । २१ करोड १२ लाख ७४ हजार रुपैंया चुक्ता पूँजी रहेको बैंकले उक्त अवधिमा २ अर्ब ३१ करोड २३ लाख रुपैंया निक्षेप संकलन गरि २ अर्ब २३ लाख रुपैंया कर्जा प्रवाह गरेको छ । अघिल्लो आर्थिक वर्षमा बैंकले १ अर्ब ७६ करोड ३६ लाख रुपैंया निक्षप संकलन गरि १ अर्ब १ अर्ब ४३ करोड ३३ लाख रुपैंया कर्जा प्रवाह गरेको थियो ।

प्रतिशेयर आम्दानी ४६ रुपैंया २ पैसा कायम हुँदा निष्कृय कर्जा अनुपातलाई शुन्य दशमलव शुन्य ३ प्रतिशतमा राख्न सफल भएको मितेरी बैंकको प्रतिशेयर नेटवर्थ १ सय ६६ रुपैंया ३० पैसा, मुल्य आम्दानी अनुपात १८ दशमलव ७१ गुणा र तरलता अनुपात २८ दशमलव ८६ प्रतिशत रहेको छ । 

फस्ट माईक्रोको चुक्तापूँजी २३ करोड रुपैयाँ रहेको छ । बोनश पश्चात बैंकको चुक्तापूँजी २६ करोड रुपैयाँ पुग्ने र त्यसपछि पचास प्रतिशत हकप्रद जारी गरेपछि चालु बर्षमै ३९ करोड रुपैयाँ चुक्तापूँजी पुग्नेछ । त्यसपछि बैंकले आगामी आर्थिक बर्षमा १५ प्रतिशत बोनश र अर्को बर्ष पुन पचास प्रतिशत हकप्रद जारी गरेर ६८ करोड पूँजी पुर्याउनेछ । माइक्रोफाइनान्सले गत आर्थिक वर्षमा ५ करोड ४४ लाख रुपैंया खुद नाफा कमाएको थियो ।

त्यसै गरी नबिल बैंक र एनआईसी एशिया बैंकको ३० प्रतिशत तथा २६ प्रतिशत बोनस सुरक्षित गर्न चाहनेले पनि मंगलबार नै शेयर खरिद गर्नु पर्ने हुन्छ ।

        [नबिल र एनआईसी एशिया बैंकको बोनस सुरक्षित गर्न शेयर किन्ने अन्तिम दिन आज]

यता पुर्णिमा विकास बैंकले निष्काशन गरेको ५० प्रतिशत हकप्रद शेयरका लागि आवेदन दिने अन्तिम दिन पनि आज नै हो । बैंकले एक सय रुपैयाँ अंकित दरका १० लाख ८ हजार ५४३ कित्ता हकप्रद शेयर जारी गरेको हो । हकप्रद निष्काशन पश्चात बैंकको चुक्तापूँजी दश करोड रुपैयाँ थपिनेछ ।

बैंकले जारी गरेको हकप्रद शेयरमा गत श्रावण १९ गतेसम्म कायम बैंकका शेयरधनीहरुले मात्र आवेदन दिन पाउनेछन् । बैंकको शेयरको निष्कासन तथा बिक्री प्रबन्धकमा सिद्धार्थ क्यापिटल रहेको छ । लगानीकर्ताले पूर्णिमा विकास बैंकका सबै शाखाहरु, सिद्धार्थ क्यापिटल लिमिटेड र सिद्धार्थ बैंकका सबै शाखाहरुबाट आवेदन दिन सक्नेछन् ।

..................................................................................................................................................................

....................................................................................................................................................................

मेरो लगानी अब सबै स्मार्टफोनमा ! एण्ड्रोइड मोवाइल एप्सका लागि यहाँ क्लिक गर्नुहोस् । एप्पलको आइफोन तथा आइप्याडका लागि यहाँ क्लिक गर्नुहोस् । तपाईँ मेरो लगानीका प्रत्येक अपडेट फेसबुक, ट्वीटर र गुगल प्लस मार्फत पनि पाउन सक्नुहुन्छ ।