सिभिल बैंकको विशेष साधारण सभाले मर्जर पछि सिभिल बैंकका १०० कित्ता शेयर हुने लाई १११ दशमलव शुन्य ८ कित्ता तथा १०० कित्ता आईएलएफसीको शेयर भएकालाई ८३ कित्ता शेयर बितरण गर्ने प्रस्ताव पारित गरेको थियो । उता आईएलफसीको साधारण सभाले भने सिभिल बैंकका शेयरधनीले १०० र आईएलफसीका शेयरधनीले ८३ कित्ता शेयर पाउने प्रस्ताव पारित गरेको थियो । मर्जरका क्रममा आउने प्रिमियमका सम्बन्धमा फरक प्रस्ताव पारित भएका कारण राष्ट्र बैंकले स्वापका सम्बन्धमा के शर्त उल्लेख गरी स्वीकृति दिएको हो भन्ने खुल्न सकेको छैन । राष्ट्र बैंकले हालै जारी गरेको निर्देशनमा मर्जमा जाने कम्पनीहरुको स्वाप रेसियो एकसय भन्दा बढी हुनु नहुने उल्लेख छ । फाइनान्स तथा बैंकका अधिकारीहरुका अनुसार राष्ट्र बैंकले अन्तिम स्वीकृतिको पत्र दिए पछि मात्र यस सम्बन्धमा प्रष्ट धारण बाहिर आउनेछ ।
फाइनान्स कम्पनीहरु धमाधम किनेर आफैं ८ अर्ब चुक्ता पूँजी पुर्याउने योजना अनुरुप अघि बढेको सिभिल बैंकले केही दिन अघि मात्र हामा मर्चेण्ट एण्ड फाइनान्सलाई खरिद गर्ने सम्झौता गरेको थियो ।
दुई अर्ब रुपैंया चुक्ता पूँजी रहेको आईएलएफसीले सिभिलसँग मर्जरमा जान गत माघ ११ गते सम्झौता गरेको थियो । आईएलएसफीले आफै बाणिज्य बैंक बन्न दुई अर्ब पूँजी पुर्याएपनि राष्ट्र बैंकले रोकेपछि बैंक अफ काठमाडौ र अरु विभिन्न संस्थासँग मर्जरमा जान पहल गरे पनि सफलता पाउन सकेको थिएन् ।
गत भदौ ३० गते सम्पन्न सिभिल बैंकको विशेष साधारण सभा तथा भदौ १० मा सम्पन्न आईएलएसफीको वार्षिक साधारण सभाले मर्जर प्रस्ताव पारित गरी अन्तिम स्वीकृतिका लागि राष्ट्र बैंक पुगेका थिए । राष्ट्र बैंकले स्वीकृति दिने निर्णय गरे पनि अहिलेसम्म बैंक तथा फाइनान्सले मर्जरको अन्तिम स्वीकृतिको पत्र पाईसकेका छैन । मेरो लगानीसँग कुरा गर्दै बैंकका एक अधिकारीले भने ‘पत्र पाए पछि हामीले एकिकृत कारोबार तथा शेयर कारोबार कहिलेबाट सुचारु गर्ने भन्नेमा निर्णय गर्छौ, अहिले नै यस सम्बन्धमा थप निर्णय भैसकेको छैन ।’
नेपाल धितोपत्र बोर्डले हालै मर्ज सकेर र्एकीकृत बैंकिड. कारोबार सुरु गर्दा नै सेयर कारोबार पनि खोल्नुपर्ने निर्देशन दिएकाले सेयर कारोबार पनि चाँडै सुरु हुने अपेक्षा गरिएको छ ।