लुम्बिनी जनरर्ल ईस्योरेन्सले गत बर्षको खुद नाफाबाट १८.१८२ प्रतिशत बोनस सेयर जारी गरेपछि शत प्रतिशत हकप्रद जारी गर्ने प्रस्ताव गरेको छ । कम्पनीको संचालक समितिले बोनसपछि हकप्रद जारी गरेर चुक्ता पूँजी ३३ करोडबाट ७८ करोड नघाउने निर्णय गरेको छ ।

ईन्स्योरेन्सले गत आर्थिक वर्षमा १५ करोड ५९ लाख रुपैंया खुद नाफा गरेर प्रतिशेयर आम्दानी ४७ रुपैंया २६ पैसा कायम गरेको थियो । ईन्स्योरेन्सको चुक्ता पूँजी ३३ करोड रुपैंया तथा जगेडा कोषमा १४ करोड २९ लाख रुपैंया सञ्चित छ । प्रस्तावित बोनस बितरण पश्चात कम्पनीको चुक्ता पूँजी ३९ करोड रुपैंया पुग्नेछ ।

उक्त चुक्ता पूँजीको शतप्रतिशत हकप्रद निष्काशन गर्ने प्रस्ताव सञ्चालक समितिले गरेको हो । हकप्रद निष्काशन पश्चात ईन्स्योरेन्सको चुक्ता पूँजी ७८ करोड रुपैंया पुग्नेछ । तर साधारण सभा तथा बीमा समितिको स्वीकृति, बोनस बितरण, सुचिकरण लगायत प्रकृया पुरा गरी धितोपत्र बोर्डबाट हकप्रद निष्काशनको स्वीकृति पाउन भने कम्तीमा ५ महिना समय लाग्न सक्छ ।

इक्रा रेटिंग प्राप्त गर्ने लगायतका प्रक्रियाहरुले पनि यसलाई ढिलाई गर्न सक्छन् । जसका कारण हकप्रद आउने भयो भन्दैमा उचालिएर शेयर किनिहाल्नु घातक हुन सक्छ । धेरै समय पछि मात्र हकप्रद बिक्रीमा आउने हुँदा त्यस बखतमा बजार कुन विन्दुमा हुन्छ भन्ने आँकलन गर्न गाह्रो छ ।

...............................................................................................................................................................

....................................................................................................................................................................

मेरो लगानी अब सबै स्मार्टफोनमा ! एण्ड्रोइड मोवाइल एप्सका लागि यहाँ क्लिक गर्नुहोस् । एप्पलको आइफोन तथा आइप्याडका लागि यहाँ क्लिक गर्नुहोस् । तपाईँ मेरो लगानीका प्रत्येक अपडेट फेसबुक, ट्वीटर र गुगल प्लस मार्फत पनि पाउन सक्नुहुन्छ ।