उसले अन्य बैंक तथा बित्तीय संस्थाहरुलाई गाभ्ने गभिने र खरिद गर्ने सम्बन्धी प्रक्रियालाई पनि अघि बढाउने भएको छ । प्रभुले यसअघि संकटग्रस्त अबस्थामा पुगेका किष्ट, ग्राण्ड र नेपाल बिकास बैंकलाई किनेको थियो ।
चालु आर्थिक बर्षको पहिलो त्रैमासिक बित्तीय बिबरण अनुसार प्रभुको पूँजी पर्याप्तता १२.१३ बाट १०.५१ प्रतिशतमा खुम्चिएको छ भने निस्क्रिय कर्जा अनुपात ७.५४ प्रतिशत छ । राष्ट्रबैंकले बाणिज्य बैंकको निस्क्रिय कर्जा अनुपात ५ प्रतिशत तल र पूँजी कोष अनुपात ११ प्रतिशत माथि हुनुपर्ने गरी तोकेको छ ।
पाँच अर्ब ८८ करोड चुक्ता पूँजी रहेको कम्पनीले प्रति सेयर आम्दानी १९ रुपैयाँ कायम गरेको छ । बैंकको जगेडा कोषमा ५५ करोड मात्र भएकाले उसले गत बर्षको खुद नाफाबाट केही बाड्न सक्ने अबस्था छैन ।
प्रभुले गत आर्थिक बर्षको पहिलो त्रैमासको तुलनामा यस बर्षको सोही अवधिमा दुई करोड रुपैयाँले मात्र खुद नाफा बढाउन सकी जम्मा २८ करोड कमाएको छ ।
ग्राण्ड र किष्ट बैंकबाट प्रबाह भएका कर्जाहरु असुलीमा प्रगति नभएपछि प्रभुले बैकल्पिक ब्यवस्था गरी कर्जा असुली गर्ने प्रक्रिया अगाडि बढाएको छ ।
खराब ऋणीहरुको कर्जा वापतको धितो लिलामीमा चढाउँदा मुद्धा मामिला र धम्कीको सामना गर्नु परेपछि प्रभु बैंकले गैर बैंकिड सम्पति तर्फको विकल्प अख्तियार गरेको बुझिएको छ ।
ग्राण्ड बैंक तर्फबाट आएको सेयरलाई रोकेर प्रभुको मात्र सेयर कारोबार खोलिएपछि धितोपत्र बोर्डको निर्देशनमा हाल प्रभुको पनि कारोबार रोक्का छ ।
....................................................................................................................................................................
मेरो लगानी अब सबै स्मार्टफोनमा ! एण्ड्रोइड मोवाइल एप्सका लागि यहाँ क्लिक गर्नुहोस् । एप्पलको आइफोन तथा आइप्याडका लागि यहाँ क्लिक गर्नुहोस् । तपाईँ मेरो लगानीका प्रत्येक अपडेट फेसबुक, ट्वीटर र गुगल प्लस मार्फत पनि पाउन सक्नुहुन्छ ।
....................................................................................................................................................................
