जनताले भने यसअधि पनि पाँच दिन समय थप गरेको थियो । जनता बैंकको हकप्रदमा गत कार्तिक १० गतेसम्म सेयर किनेर सेयरधनी भएकाहरुले आवेदन भर्न पाउनेछन । बैंकले प्रतिकित्ता एक सय रूपैयाँ अंकित मूल्यको एक करोड तीन लाख कित्ता हकप्रद सेयर बिक्री थालेको हो ।
जनताको सेयर बिक्री प्रबन्धकमा एनसीएम मर्चेन्ट बैंकिङ रहेको छ । बैंकका सेयरधनीले एनसीएम मर्चेन्ट बैंकिङ लिमिटेड, कमलपोखरीसहित जनता बैंकका सम्पूर्ण शाखा कार्यालयहरूबाट आवेदन फारम लिन र बुझाउन सक्नेछन् ।
बैंकले अघिल्ला दुई बर्षको खुद नाफाबाट बोनस सेयर बितरण गर्न बाँकी नै रहेको छ । उसले हालै त्रिबेणी बिकास बैंकसँग मर्जमा जाने सम्झौता गरेकाले सेयर कारोबार बन्द छ ।
जनताको हकप्रद तथा त्रिवेणीको बोनस बितरण पश्चात दुबै बैंक मर्ज भएर बन्ने बैंकको चुक्ता पूँजी झण्डै पाँच अर्ब पुग्ने जनाइएको छ ।
एनएमबी माइक्रोफाइनान्सको १ सय २० प्रतिशत हकप्रद
एनएमबी माइक्रोफाइनान्सको १ सय २० प्रतिशत हकप्रद भर्ने पनि आज नै अन्तिम दिन हो । कम्पनीले गत मंसिर ६ गतेदेखि १ सय २० प्रतिशत हकप्रद शेयरकोृ बिक्री खुला गरेका थियो
लघुवित्तको शेयर निष्काशन तथा बिक्री प्रबन्धक लक्ष्मी क्यापिटल रहेको छ ।
गत आर्थिक वर्षको कमाईबाट लगानीकर्तालाई २५ प्रतिशत बोनस बितरण तथा हकप्रद निष्काशन पश्चात लघुवित्तको चुक्ता पूँजी १८ करोड रुपैंया नाघ्नेछ । अहिले लघुवित्तको चुक्ता पूँजी ८ करोड ६३ लाख रुपैंया छ ।