फाइनान्सले बुक क्लोजको मिति सच्याएपछि नेप्सेमा कारोबार फुकुवा भएको हो । नेप्सेका अनुसार अब जानकीको पुस १३ देखि २५ गतेसम्म सेयरधनी दर्ता किताब बन्द हुने भएको छ ।
यसअघि फाइनान्सले पुस ५ देखि २५ गतेसम्म बुक क्लोज गर्ने जानकारी नेप्सेलाई दिएको थियो । कम्पनी ऐनअनुसार सेयरधनी किताब बन्द गर्ने सुचना एक साता अगाडि प्रकाशित गर्नुपर्ने नियम भएपनि फाईनाइन्सले सो नियमको अवज्ञा गरेका कारण नेप्सेले कारोबार रोक्का गरेको थियो ।
जानकीले पुस २५ मा हुने बिसौ साधारणसभामा १० प्रतिशत बोनस बितरण गर्ने प्रस्ताव लैजादै छ । सहयोगी बिकास बैंकसँगको मर्जर भांडिएको भन्दै जानकीले अन्यसँग मर्ज र एक्विजिशनको प्रस्ताव लैजाने बारेमा पनि संचालक समितिलाई अख्तियारी दिलाउने निर्णय पनि गर्ने भएको छ ।
जनकपुरमा केन्द्रीय कार्यालय रहेको ३१ करोड चुक्ता पूँजी रहेको जानकी फाईनान्सको जगेडा कोषमा २४ करोड ५२ लाख रुपैयाँ रहेको छ । कम्पनीले चालु आर्थिक बर्ष २०७३/७४ को पहिलो त्रैमासमा १ करोड ७५ लाख रुपैयाँ खुद मुनाफा कमाएको थियो । कम्पनीले गत आर्थिक बर्ष मा ७ करोड ९४ लाख खुद नाफा कमाएको थियो ।
त्रैमासिक प्रतिवेदन अनुसार कम्पनीको प्रति शेयर आम्दानी ५.६४ रुपैयाँ रहेको छ ।
