डिप्रोक्स लघुबित्तले हाल शतप्रति हकप्रद जारी गर्न धितोपत्र बोर्डमा आबेदन दिएको अबस्थामा हकप्रद जारी भएपछि नेपाल बैंकले सेयर बिक्री गर्ने छ । बैंकको उच्च स्रोतले दिएको जानकारी अनुसार सो सेयर बिक्री गर्न चाँडै नै बिक्री प्रबन्धक नियुक्ति गर्न लागिएको छ ।
बजारमा डिप्रोक्सको साधारण सेयरमूल्य दुई हजार एक सय रुपैयाँमाथि रहेको अबस्थामा साधारण र संस्थापक सेयर बिक्रीबाट ८० करोड भन्दा बढी आम्दानी गर्नसक्ने आँकलन गरिएको छ ।
नेपाल बैंकले आफ्नो बित्तीय अबस्था सुदृढ पार्न बिगतमा नागरिक लगानी कोष, नेपाल ईन्स्योरेन्सको सेयर र बिभिन्न स्थानमा रहेका घरजग्गा बिक्री गरिसकेको छ । उसँग अझै कयौं कम्पनीको लाखौ कित्ता सेयर र देशका बिभिन्न ठाउँमा सयौं रोेपनी मूल्यवान जग्गा छन् ।
नेपालको जेठो बैंक नेपाल बैंकले चालु आर्थिक बर्षको पहिलो त्रैमाससम्ममा एक अर्ब १६ करोड खुद नाफा गरेर प्रति सेयर आम्दानी ७१ रुपैयाँ ७६ पैसा कायम गरेको छ ।