कम्पनीले गतआर्थिक बर्षको कमाईबाट उक्त लाभांस प्रस्ताव गरेको हो ।गतवर्षमा प्रिमियरले १८ करोड ५७ लाख २७ हजार रुपैंया खुद नाफा कमाएको थियो । गत आर्थिक बर्षमा कम्पनीले एक अर्ब ४१ लाख बीमा शुल्क आर्जन गरेको थियो ।
कम्पनीले गतआर्थिक बर्षको मुनाफाबाट बीमा कोषमा ९ करोड २३ लाख ५० हजार ३ सय सारी बाँकी रकम तथा गत आर्थिक वर्षसम्मको वितरण नभएको जगेडा समावेश गरी हाल कायम चुक्ता पूँजीको २० प्रतिशतका दरले ७ करोड ४७ लाख ५० हजार ६ सय ८० बराबरको बोनस वितरण गर्ने निर्णय गरेको हो ।
हाल कम्पनीको ३७ करोड ३७ लाख रुपैयाँ चुक्तापूजीँ रहेको छ । बोनसपछि कम्पनीको चुक्तापूजीँ ४४ करोड ८५ लाख रुपैयाँ नाघ्नेछ ।
इन्स्योरेन्सले संस्थापक र साधारण सेयरको अनुपात ५१ः४९ कायम गर्न ६ लाख ५९ हजार पाँच सय ६५ कित्ता एफपिओ बिक्री गर्न लागेको हो । एफपिओको मूल्य भने निर्धारण हुन बाँकी छ । एफपीओ जारी गर्न एनएमबि क्यापिट बिक्री प्रबन्धक समेत नियुक्त गरिसकेको छ ।
कम्पनीले चालु आर्थिक बर्षको पहिलो त्रैमास अर्थात असोज मसान्तसम्मा २ करोड ४ लाख खुद नाफा कमाएको छ । यसअवधिमा कम्पनीले वीमा शुल्कबाट ३४ करोड, जगेडाकोषमा १२ करोड, बिमाकोषमा २४ करोड तथा महाविपत्तीकोषमा २ करोड रुपैयाँ राखेको छ । यसअवधिमा कम्पनीको प्रतिसेयर आम्दानी १९ रुपैयाँ देखाएको छ ।
यस अघिको समाचारमा एफपीओमा आउने सेयर संख्या अन्यथा पर्न गएकोमा सच्चाईएको छ । -सम्पादक