कम्पनीले साधारणसभा प्रयोजनका लागि आईतबारदेखि विहिबारसम्म सेयरधनी पुस्तिका बन्द गरेको छ । कम्पनीको साधारणसभामा पुस १४ गतेसम्म कायम सेयरधनीले प्रतिनिधित्व गर्न पाउनेछन् ।
जलविद्युत लगानी कम्पनीको तीन लाख चार हजार जना शेयरधनी र सेयर पुँजी १० अर्ब रुपैयाँ रहेको छ । कम्पनीले चालु आर्थिक वर्षको पहिलो त्रैमासको अवधिमा १० करोड ४७ लाख रूपैयाँ खुद नाफा आर्जन गरेको छ ।
कुल सम्पति ११ अर्ब १५ करोड रहेको जलविद्युत कम्पनीले त्रैमासिक अवधिमा प्रतिसेयर आम्दानी चार रूपैयाँ १९ पैसा कायम गरेको छ भने प्रतिसेयर नेटवर्थ एक सय ११ रूपैयाँ ५८ पैसा छ ।