बीमा कम्पनीहरुको चुक्तापूँजी बढाउन अध्ययन गरेर निर्णयमा पुग्नेछु : – चिरन्जिवि चापागाई,अध्यक्ष, बीमा समिति

Jan 12, 2017 merolagani

बीमा समितिका नबनियुक्त अध्यक्ष चिरन्जिवि चापागाईले बुधबारदेखि कार्यभार सम्हाल्नु भएको छ । चापागाईले कार्यभार सम्हाले लगत्तै आफ्नो प्राथमिकता बारे मेरोलगानी डट कम सँग संक्षिप्त कुराकानी गर्नुभएको छ । प्रस्तुत छ कुराकानीका अंशहरु

बीमा क्षेत्रमा कम्पनीहरुको संस्थागत सुशासन बढाउन के गर्नुहुन्छ ?

संस्थागत सुशासन बढाउन हरेकले आफ्नो उत्तरदायित्व पुरा गर्नुपर्छ । कतिपय संस्थाहरुको समयमा लेखापरिक्षण नहुने, सुशासनको मार्गनिर्देशनहरु कार्यान्वयन नहुने गुनासोहरु छन् । बीमा समितिले जारी गरेका नीति, निर्देशन अनुसारको काम कारवाही भएको छ कि छैन, कार्यान्वयन पक्ष कस्तो छ, सबै कुरा हेरेर निर्णय गर्ने र निर्देशन दिने काम हुन्छ ।


बीमा कम्पनीको चुक्ता पूजीँ बढाउने सम्बन्धमा तपाईको धारणा के हो ?

चुक्ता पूजीँ बढाउने कार्यको सम्बन्धमा मैले कुनै मस्यौदा भेटाएको छैन । चुक्ता पूजीँ बढाउने, घटाउने सम्बन्धमा अर्थतन्त्रले निर्धारण गर्ने कुरा हो । अर्थतन्त्रले मागेको खण्डमा पूँजीबृद्धिको निर्णय कार्यान्वयन गरिन्छ । त्यसका लागि केही समय अध्ययन अनुसन्धान गर्नुपर्ने हुन्छ, त्यसपछि निर्णयमा पुगिन्छ । हामीसँग तथ्यांक छन् त्यसको तुलनात्मक अध्ययन गर्नुपर्ने हुन्छ । अध्ययन गरेर मात्र अगाडि बढिनेछ । आज पनि बजारमा व्याजदर बढिरहेको छ, यस्तो अवस्थामा पूजीँ बढाउँदा के हुन्छ, त्यसको अध्ययन गरेरमात्र अगाडि बढ्छौ । त्यसका लागि हामी अर्थतन्त्रलाई अध्ययनको आधार बनाउँछौं ।


बीमा ऐन लामो समयदेखि अर्थ मन्त्रालयमा रोकिएको छ, यो पास गराउन तपाईको भुमिका के हुन्छ ?

ऐन नियमहरु समयअनुसार सुधार गर्दे जानु त सबैको दायित्व भित्रै नै पर्दछ । बीमा ऐनको मस्यौदा गरेको सात आठ बर्ष भैसकेको अवस्था छ । कानुनी पक्ष कमजोर छ भन्नेमा म विस्वस्त छु ।  कानुनी पक्ष बलियो बनाउने पक्षमा मैले प्रयास गर्नेछु । बीमा समितिमा छलफल गरेर अगाडि बढ्छौ । ऐन ल्याउनुपर्छ भन्ने कुरामा कुनै द्धिविधा छैन । हामी हाम्रो पक्षबाट गर्ने कामलाई जतिसक्दो छिटो गर्नेछौं ।


समग्र बीमा कम्पनीहरुले गर्ने बीमा भुक्तानीप्रति आम मानीसमा विश्वास एकदमै थोरै रहेको अवस्थामा विश्वास बढाउन तपाईको भुमिका के रहन्छ ?

बीमक साथीहरु र बीमा कम्पनीहरुका कार्यकारी प्रमुखहरुलाई बीमा व्यवसायप्रति जनताको विश्वसनियता अभिवृद्धि गर्ने काम गर्न अनुरोध गरेको छु । त्यो काम गरेमा ठिक छ ,यदि नगरेको खण्डमा विमा समितिबाट प्रत्यक्ष, अप्रत्यक्ष रुपमा निर्देशन गर्नेछौ र त्यसको आधारमा नगरेमा हामी कारबाही गर्न पनि पछाडि पर्देनौं । यसरी राम्रो गरेमा प्रोत्साहन र नराम्रो गरेमा दण्ड नगरिएमा बीमा क्षेत्रलाई अगाडि बढाउन सकिन्न । अबका दिनमा अझै विश्वसनियता अभिवृद्धि गर्ने पर्छ ।

comments powered by Disqus

प्राइम लाइफको १६० प्रतिशत हकप्रद फागनु २७ देखि बिक्रीमा आउने

Feb 21, 2018

प्राइम लाइफ इन्स्योरेन्स कम्पनी लिमिटेड (PLICL) ले फागुन २७ गतेदेखि हकप्रद सेयरको बिक्री खुला गर्ने भएको छ । कम्पनीले चुक्ता पुँजी बढाउन ९७ करोड ६३ लाख २० हजार रुपैयाँ बराबरको ९७ लाख ६३ हजार २ सय कित्ता हकप्रद सेयर बिक्री गर्न लागेको हो ।