एनआईसी एशिया बैंकले गत बर्षको दोस्रो त्रैमासको तुलनामा चालु आर्थिक बर्षको सोही अवधिमा खुद नाफा ४४ प्रतिशतले बढाएर फेरि लगानीकर्ताको ध्यान तानेको छ । गत आर्थिक बर्षको दोस्रो त्रैमाससम्ममा ५० करोड खुद नाफा गरेको बैंकले यस बर्षको सोही अवधिसम्ममा ७२ करोड नघाएको छ । चालु आर्थिक बर्षको पहिलो त्रैमासमा २६ करोड मात्र कमाएको बैंकले दोस्रो त्रैमाससम्म आईपुग्दा ४६ करोड खुद नाफा बढाएको छ ।
उसको ब्याज आम्दानी ३६ र संचालन नाफा २४ प्रतिशतले बढेको छ । उसले अभुतपूर्व रुपमा खुद नाफा बढाउनसक्नुको मुख्य कारण चाँही खराब कर्जा असुलेर ३२ करोड रुपैयाँ जोखिम कोषबाट फिर्ता ल्याउन सक्नु हो । निस्क्रिय कर्जा अनुपात गत बर्षको भन्दा आधा कम भएको छ । यसका साथै अन्य संचालन आम्दानी शत प्रतशत बढ्नु पनि उसको खुद नाफालाई आधार दिने पक्ष हो ।
निक्षेप संकलन भन्दा कर्जा परिचालनमा प्रगति गरेको बैंकको आगामी त्रैमास अझै राम्रो हुने संभावना छ । एनआईसीले कोषको लागत ४.४९ प्रतिशत, निक्षेप कर्जा अनुपात ७८.४० प्रतिशत र ब्याज दर स्प्रेड ३.३२ कायम गरेको छ ।
चुक्ता पूँजी पाँच अर्ब ८१ करोड रहेको बैंकले प्रति सेयर आम्दानी २४ रुपैयाँ ८० पैसा कायम गरेको छ । जगेडा कोष पनि राम्रो बनाउँदै लगेको छ ।
