सिभिल क्यापिटललाई सेयर निष्काशन बिक्री प्रबन्धकमा नियुक्त गर्ने सम्बन्धमा बुधबार भएको सम्झौतामा बैंकका प्रमुख कार्यकारी अधिकृत देवेन्द्रप्रताप शाह तथा क्यापिटलका प्रमुख कार्यकारी अधिकृत पराग बिष्टले हस्ताक्षर गरे ।
बैंकले ५६ औं वार्षिक साधारण सभाबाट पारित भए बमोजिम प्रति एक सय कित्ता बराबर २३ दशमलब ७४ कित्ता हकप्रद सेयर निष्काशनको प्रकृया अघि बढाएको हो ।
हाल बैंकको चुक्ता पूँजी छ अर्ब ५० करोड रहेको छ भने हकप्रद सेयर निष्काशन पश्चात बैंकको कूल चुक्ता पूँजी आठ अर्ब चार करोड रुपैंया पुग्नेछ ।
हाल चुक्ता पूँजीको ६२.२१ प्रतिशत सेयर स्वामित्व नेपाल सरकारको रहेको छ । नेपालको पहिलो तथा ऐतिहासिक नेपाल बैंकले एक सय ३० शाखा मार्फत आधुनिक बैंकिङ्ग सेवा प्रदान गर्दै आएको छ ।
नेपाल बैंकले चालु आर्थिक बर्षको पहिलो त्रैमाससम्ममा एक अर्ब ९० करोड भन्दा बढी खुद नाफा गरेको जनाईएको छ ।