उसले चुक्ता पूँजी दोस्रो त्रैमाससम्ममा ६८ करोडबाट ८० करोड पुर्याएर पनि खुद नाफा ११ करोड
कमाई प्रति सेयर आम्दानी २७ रुपैयाँ ८५ पैसा कायम गरेको छ । राष्ट्र बैंकले तोकेको चुक्ता पूँजी पुर्याएर उदाहरण पेश गर्नेमा आईसीएफसी पनि एक भएको छ । गत आर्थिक बर्षको दोस्रो त्रैमाससम्ममा उसको प्रति सेयर आम्दानी १९ रुपैयाँ ५० पैसा थियो ।
उसले गत बर्षको दोस्रो त्रैमाससम्ममा खुद नाफा जम्मा चार करोड १६ लाख कमाएको थियो । गत बर्षको खुद नाफाबाट लगानीकर्तालाई आकर्षक बोनस सेयर दिएको कम्पनीले यस बर्ष पनि राम्रै प्रतिफल बाड्नसक्ने क्षमता बनाउँदैछ ।
गत बर्षको दोस्रो त्रैमासको तुलनामा यस बर्षको सोही अवधिसम्ममा ब्याज आम्दानीलाई ९ करोडबाट १६ करोड, संचालन मुनाफालाई ६ करोडबाट ७ करोड बनाएको कम्पनीले निस्क्रिय कर्जा पनि २.१८ बाट ०.९९ प्रतिशतमा झारेको छ । कर्जा जोखिम कोषमा राखेको ७ करोड २७ लाख फिर्ता ल्याएर उसले नाफामा देखाएको छ भने पाँच करोड फेरि जोखिम कोषमा राखेको छ । उसको खुद नाफामा गैर संचालन आम्दानी तीन करोड ३२ लाख रुपैयाँ पनि जोडिएको छ ।
उसको निक्षेप संकलन र कर्जा बिस्तार सन्तोषजनक नै छ । कर्जा निक्षेप अनुपात ७१ प्रतिशत रहेकाले अझै उसँग कर्जा लगानीयोग्य रकम पर्याप्त छ भन्ने देखिन्छ ।
अहिले राम्रो कमाई गर्यो भन्दै बाँकी दुईवटा त्रैमासमा पनि त्यही दर कायम रहला र अर्को साधारणसभामा पनि बोनस सेयर नै बाड्ला भनेर अहिले उचालिएर सेयर किन्नु चाँही घातक हुनसक्छ ।