संस्थाको उद्घाटनका क्रममा नेपाल राष्ट्र बैंकका गभर्नर डा. चिरन्जिबि नेपालले लघुवित्त संस्थाहरु ग्रामीण क्षेत्रमा सहयोगी हातहरुको रुपमा हुनुपर्ने बताए । साथै उनले वित्तीय पहुंच नपुगेको ठाउंमा पुग्न तथा वित्तीय साक्षरता कार्यक्रम संचालन गर्न समेत लघुवित्त संस्थाहरुलाई निर्देशन दिए ।
लघुवित्त सेवाको माध्यमबाट समाजका विपन्न वर्गको जिवनस्तर उकास्ने उद्येश्य सहित नेपाल सरकारका पूर्व सचिव, प्राध्यापक, बैंकर, इन्जिनियर तथा ब्यापारीहरुको प्रबद्धनमा सो संस्था संचालनमा आएको हो । हाल संस्थाको ७ करोड चुक्ता पूंजी रहेको छ ।
सो क्रममा संस्थाका प्रमुख कार्यकारी अधिकृत केशव कुमार पौडेलले संस्थाले आफ्नो कार्यक्रम विस्तार गर्ने क्रममा लगत्तै कम्तीमा १० वटा शाखाहरु खोल्ने जानकारी दिए । थप शाखाहरु विस्तारसँगै वित्तीय सेवाको पहुंच कम भएका जनताहरुलाई उनीहरुको घरदैलोमा पुगी सेवा दिन संस्था प्रतिबद्ध रहेको पौडेलकको भनाई थियो ।