चुक्ता पूँजी ८३ करोडबाट एक अर्ब ५३ करोड पुग्दा उसले खुद नाफा पनि सोही अनुपातमा बढाउने प्रयास गरेको देखिन्छ । तर उसको यो प्रयास तत्काल संभव भने देखिएन । प्रति सेयर आम्दानी गत आर्थिक बर्षको दोस्रो त्रैमासमा ३८ रुपैयाँ थियो भने यस बर्ष २९ रुपैयाँमा झरेको छ । निक्षेप ९ अर्बबाट १४ अर्ब पुर्याएको बैंकले कर्जा परिचालन पनि ह्वात्तै बढाएर ८ अर्बबाट १३ अर्ब नघाएको छ । कर्जा धेरै परिचालन गरेबाट कर्जा निक्षेप अनुपात ७९ प्रतिशत नाघेर अब कर्जा परिचालन बढाउन नसक्ने अबस्थामा पुगेको देखिन्छ ।
राष्ट्रियस्तरको बिकास बैंक भएर पनि लघुवित्तको कामलाई उत्तिकै महत्व दिएको मुक्तिनाथले २६ प्रतिशत कर्जा विपन्न बर्गमा परिचालन गरेको देखाएको छ ।
आकर्षक बोनस सेयर बाँडेर क्रमबद्ध रुपमा पूँजी बढाए अनुसार खुद नाफा पनि बढाउँदै लैजाने प्रयास गर्नु, निस्क्रिय कर्जा अनुपात ०.१८ प्रतिशतमा सिमित राख्नु उसका सकारात्मक पक्ष हुन । चुक्ता पूँजी दुई अर्ब ४० करोड पुर्याउन उसले ४० प्रतिशत हकप्रद बिक्रीमाा ल्याउने प्रस्ताव अगाडि बढाउँदै छ ।
पोखराबाट बिस्तारित हुँदै मुक्तिनाथ केन्द्रीय कार्यालय सारेर काठमाडौ आईसकेको छ ।