केही समय अघि २५ प्रतिशत हकप्रद निष्काशन गरेको बैंकले हकप्रदलाई समेत बोनस बितरण गर्नेछ । हकप्रदमा 
बिक्री नभएर लिलाम भएको सेयरले पनि प्रस्तावित बोनस पाउने छन् । बैंकले फागुन ५ गतेका लागि साधारणसभा बोलाएको छ ।
विजनेश युनिभर्सल डेभलपमेण्ट बैंकलाई गाभेको बैंकको ३ अर्ब ३ करोड रुपैंया चुक्तापूँजी रहेकोमा २५ प्रतिशत हकप्रद निष्काशन पश्चात बैंकको पूँजी ३ अर्ब ८० करोड हाराहारी पुगेको छ । बैंकले प्रस्ताव गरेको बोनस बितरण पश्चात चुक्ता पूँजी पाँच अर्ब २३ करोड पुगेको छ ।
आगामी फागुन पाँच गतेको साधारणसभाबाट बैंकले फेरि ३० प्रतिशत हकप्रदको प्रस्ताव पारित गर्देछ । उक्त हकप्रद समेत निष्काशन भए पश्चात बैंकको चुक्ता पूँजी छ अर्ब ८० करोड पुग्नेछ । राष्ट्र बैंकले तोकेको आठ अर्ब पूँजी पुर्याउन एक अर्ब २० करोड बाँकी रहने बैंकले चालु आर्थिक वर्षको कमाईबाट बोनसका साथै कुनै सानो संस्थासँग अर्को मर्जर वा एक्विजिशनमा जानु पर्ने हुन सक्छ ।
