भिबोर सोसाइटी डेभलपमेण्ट बैंकका प्रमुख कार्यकारी अधिकृत झलक खनालका अनुसार सोमबार दुई संस्था मर्जमा जाने सम्बन्धमा सम्झौता भएको छ । भिबोर सोसाइटीका तर्फबाट बैंकका अध्यक्ष शुशीलराज पराजुली तथा फाइनान्सका अध्यक्ष चिन्तामणि भट्टराईले मर्जर सम्झौतामा हस्ताक्षर गरेका हुन् ।
मर्जर पछि बन्ने संस्थाको नाम लुम्बिनी विकास बैंक रहने सहमति भएको प्रमुख कार्यकारी अधिकृत खनालले जानकारी दिए । उनका अनुसार सेयर स्वाप रेशियोको निर्णय डिडिए प्रतिवेदनका आधारमा हुनेछ । अहिले भिबोर सोसाइटीको चुक्ता पूँजी एक अर्ब ८१ करोड तथा लुम्बिनी फाइनान्सको ४१ करोड रुपैंया रहेको छ । प्रमुख कार्यकारी खनालका अनुसार दुवै संस्थाले एक बराबर एकको अनुपात कायम गराएको खण्डमा नयाँ बैंकको चुक्ता पूँजी दुई अर्ब ३८ करोड रुपैंया नाघ्नेछ ।
विगतमा संकटपुर्ण अवस्था झेलेका भिबोर र सोसाइटीले मर्ज पछि खुद नाफा बढाएर बोनस बितरण गरी चुक्ता पूँजी पुर्याउन नसक्ने अवस्था देखे पछि राम्रो र बलियो फाइनान्स कम्पनी खाजेर मर्जमा गएका हुन् ।