नेपाल स्टक एक्सचेञ्जका अनुसार दिब्यश्वरी हाइड्रोको कारोबार खुल्ने सेयरमूल्य प्रतिकित्ता ११६ रुपैयाँदेखि ३४८ रुपैयाँ तोकिएको छ । दिब्यश्वरी हाइड्रोको समेत कारोबार खुलेपछि नेप्सेमा कारोबार हुने जलविद्युत कम्पनीको संख्या एघार पुगेको छ ।
कम्पनीले आयोजना प्रभावित तथा सर्वसाधारणका लागि निष्काशन गरेको सेयरसँगै संस्थापक सेयर गरेर २६ लाख ४० हजार कित्ता सेयर नेप्सेमा सूचिकृत गराएको छ । उसले आयोजना प्रभावितका लागि दुई लाख ६४ हजार कित्ता तथा सर्वसाधारणलाई लागी तीन लाख ९६ हजार कित्ता सेयर वितरण गरेको थियो ।
सर्वसाधरणलाई सेयर जारी गरेपश्चात कम्पनीको चुक्ता पुँजी २६ करोड ४० लाख रुपैयाँ पुगेको छ ।
कम्पनीले संखुवासभाको धुपु गाविसमा चार मेगावाट क्षमताको जलविद्युत आयोजना निर्माण गरिरहेको छ । हाइड्रोले आगामी साउनदेखि व्यवसायिक रुपमा विद्युत उत्पादन गरि बिक्रि बितरण गर्नेछ ।
