१२ वटा बोलपत्रहरु १० हजार कित्ता हाराहारीका भएपनि अघिकांश एक हजार मुनीका रहेको पाईएको छ । बोलपत्रदाताहरुले प्रति कित्ता एकसय रुपैयाँदेखि पाँचसय ९१ रुपैयाँसम्म कबुली बोलपत्रहरु पेश गरेका पाईएको छ ।
१० हजार कित्ता वा सो हाराहारीका बोलपत्रहरु फागुन ११ र १२ गते परेकाले त्यो खोलेर हेर्न बाँकी छ । एस क्यापिटलका कर्मचारीहरु राति अबेरसम्म पनि बोलपत्रहरु खोल्न र त्यसको बिबरण कम्प्युटरमा चढाउन ब्यस्त छन् । कतिपय बोलपत्रमा अमिल्दो अंक जस्तै १०५ कित्ता आबेदन गरिएको, फोटो र १० लाख रुपैयाँ भन्दा बढी रकमको हकमा करदाता नम्बर नभएको, नागरिकता प्रतिलिपिमा बोलपत्रदाताको हस्ताक्षर नभएको पनि पाईएको छ ।
प्रारम्भिक बिबरणहरु हेर्दा प्रति कित्ता ३५० रुपैयाँ भन्दा कमको मूल्य कबुल गरी बोलपत्र पेश गर्नेले सेयर पाउने संभावना कम रहेको देखिन्छ । त्यसमा पनि फागुन ११ र १२ गते बोलपत्र पेश गरी धेरै कित्ता सेयर लिन खोज्नेहरुले कबुल गरेको मूल्य धेरै भएमा ३५० रुपैयाँ प्रतिकित्ता कबुल्नेले पनि सेयर पाउनसक्ने संभावना कमजोर भएर जाने देखिन्छ । सबै बोलपत्रहरु खोलिसकिएको अबस्थामा मात्र कसले सेयर पाउँछ भन्ने यकिन हुनेछ ।
बोलपत्रसाथ पेश भएका बैंक भौचर र गुड फर पेमेन्ट चेकको समग्र हिसाब आउँदा तीन अर्ब रुपैयाँ हाराहारीको बोलपत्र परेको आँकलन गरिएको छ । यस सेयर लिलाम बिक्रीबाट कृषि बिकास बैंकले कम्तिमा ५० करोड रुपैयाँ जगेडा कोषमा जम्मा गर्ने निश्चित भएको छ ।
