ईच्छुक लगानीकर्ताले बैंकको सेयर विक्री प्रबन्धक लक्ष्मी क्यापिटलमा चैत १६ गतेसम्म न्यूनतम एक सय रुपैँया भन्दा बढि मूल्यमा बोलपत्र पेश गर्न सक्नेछन् । बैंकको सेयरमा न्यूनतम एक सय कित्ता र अधिकतम सबैं कित्ताको लागि आवेदन गर्न सकिने बैंकले जनाएको छ । बिक्री प्रबन्धकले बोलकबोल पत्र चैत १७ गते ११ बजे जय गणेश कमलादी बेन्क्वेटमा खोल्नेछ ।
यसअघि बैंकले सात अनुपात एक कित्ताको दरले कुल ६४ लाख २७ हजार तीन सय ५० कित्ता सेयर हकप्रद निष्काशन गरेको थियो । कात्तिक २६ देखि मंसिर ३० सम्म निष्काशित बैंकको हकप्रदमा ११ हजार सात सय आवेदकलाई माघ दुई गते ६२ लाख ८१ हजार ७७० कित्ता सेयर बाँडफाँड गरिएको थियो । त्यसमा नबिकेर बाँकी रहेको सेयर अहिले बोलकबोलबाट बिक्री गर्न लागेको हो ।
एकपछि अर्को बैंकले हकप्रद सेयर जारी गर्ने र त्यसमा आवेदन नपरेका सेयर यसरी नै लिलाममा आउने गरेकाले लगानीकर्तालाई दोस्रो बजार भन्दा धेरै सस्तोमा सेयर किन्ने अवसर प्राप्त भएको छ । यसरी धेरै कम्पनीहरुको सेयर लिलाममा आउने भएकाले मूल्य उचालिएर लिलाम सकार्नु चाँही फाईदाजनक नहुनसक्छ ।
