बैंकले आठौं वार्षिक साधारण सभाबाट एफपीओ पारित गरी धितोपत्र बोर्डमा दुई लाख ३६ हजार तीन सय ६७ कित्ता थप नयाँ सेयर निष्काशनको अनुमति मागेको थियो । कुमारी बैंकसँग विलय सम्झौता गरेको बैंकले बोर्डको 
अनुमति नपाए पछि सामान्य प्रकृयाबाट संस्थापक सेयर परिवर्तन गरी संस्थापक र साधारण सेयरको अनुपात ५१ः४९ बनाउन लागेको हो ।
बैंकले सूचना प्रकाशित गर्दै संस्थापक सेयर धारण गरेका लगानीकर्तालाई असमति भए सात दिन भित्र जानकारी गराउन आग्रह पनि गरेको छ ।
बैंकले गत आर्थिक वर्षको दोस्रो त्रैमासको तुलनामा झण्डै ७७ प्रतिशतले खुद नाफा वृद्धि गरी चालु आर्थिक वर्षको पुस मसान्तसम्मा एक करोड २३ लाख रुपैंया खुद नाफा कमाएको थियो ।
कुमारी बैंकसँग बेचिने प्रक्रियामा गएको बैंकको शेयर कारोबार जेठ यता रोक्का रहेको छ । एनसीसी बैंकसँगको मर्जर प्रक्रिया टुटेपछि कुमारी बैंकले गत असोज १७ गते सोमबार काष्ठमण्डप, महाकाली, काँक्रेबिहार विकास बैंक र पश्चिमाञ्चल फाइनान्सलाई एक्वायर गर्ने सम्झौता गरेको थियो । कुमारीले महाकाली सहित चार वटै संस्थालाई प्रति सय कित्ता बराबर कुमारीको ८५ कित्ता सेयरमा विलय गर्न लागेको हो ।
