बैंकको सञ्चालक समितिको बैठकले ८० प्रतिशत हकप्रद निष्काशनका लागि चैत १७ गते सेयरधनी पुस्तिका बन्द गर्ने निर्णय गरेको हो । बैंकले प्रति कित्ता एक सय रुपैयाँका अंकित मूल्यको ३ अर्ब २० करोड ९४ लाख ६ हजार ८ सय ८० रुपैयाँ बराबरको ३ करोड २० लाख ९४ हजार ६८ दशमलब ८० कित्ता हकप्रद सेयर निष्काशन गर्न लागेको हो ।
बैंकले सेयरधनी पुस्तिका बन्द गर्ने मिति मात्र निर्धारण गरेको बैंकले कहिलेदेखि हकप्रद निष्काशन गर्ने भन्ने खुलाएको छैन ।
हाल बैंकको चुक्ता पूँजी ४ अर्ब १ करोड रुपैयाँ रहेको छ । हकप्रदपछि बैंकको पूँजी करिब ७ अर्ब २२ करोड ११ लाख रुपैँया पुग्नेछ । धितोपत्र बजारमा बिहीबार बैंकको सेयरमूल्य प्रतिकित्ता ६६० रुपैंयामा किनबेच भैरहेको छ ।
अहिले एनबी सहित लक्ष्मी, एनआईसी एशिया, सिटिजन्स, सानिमा लगायतका वाणिज्य बैंकले ठुलो परिमाणमा हकप्रद बिक्रीमा ल्याउँदैछन् ।