इन्स्योरेन्स कम्पनीले चुक्ता पूँजीको ५० प्रतिशत अर्थात दुई बराबर एक कित्ताको अनुपातमा १९ करोड २५ लाख सात हजार आठ सय ८१ रुपैयाँको बराबरको एक सय रुपैँया अंकित दरका १९ लाख २५ हजार ७८.८१ कित्ता हकप्रद निकाल्न लागेको हो । कम्पनीले धितोपत्र बोर्डबाट फागुन १२ गते ५० प्रतिशत हकप्रद सेयर निष्काशन गर्ने अनुमति पाएको थियो ।
कम्पनीको सेयर निष्काशन तथा विक्री प्रबन्धक प्रभु क्यापिटल लिमिटेड रहेको छ । हकप्रद सेयरमा जेठ २ गतेसम्म बिक्री प्रबन्धक प्रभु क्यापिटल कमलादी, प्रभु बैंकका शाखा कार्यालयहरुबाट आवेदन दिन पाइने क्यापिटलले जनाएको छ ।
३८ करोड ५० लाख चुक्ता पुँजी रहेको कम्पनीले गत बर्षको कमाईबाट १७ प्रतिशत बोनस वितरण गरेको थियो । प्रभुको हकप्रदपछि चुक्ता पूँजी ५७ करोड ७७ लाख नाघ्नेछ । जसको जगेडा कोषमा पाँच करोड ४० लाख,तथा जीवन बिमा कोष २६ करोड २७ लाख रुपैँया रहेको छ ।
चालु आर्थिक वर्षको दोस्रो त्रैमास पुस अन्त्यसम्ममा इन्सुरेन्सले दुई करोड ९२ लाख रुपैयाँ खुद नाफा कमाएर प्रतिसेयर आम्दानी वार्षिक १५ रुपैयाँ १७ पैसा कायम गरेको छ । केन्द्रिय कार्यालय सहित १९ शाखा तथा उपशाखाहरु बाट बीमा सेवा दिंदै आएको कम्पनीले आगामी दिनमा अरु शाखा बिस्तार गर्दै जाने लक्ष्य लिएको छ ।
