यस सम्झौता पत्रमा नेपाल क्लियरिङ्ग हाउस लिमिटेडका तर्पmबाट प्रमुख कार्यकारी अधिकृत नीलेश मान सिंह प्रधान र कन्काई बिकाश बैंक लिमिटेडका तर्पmबाट प्रमुख कार्यकारी अधिकृत प्रकाश मान बज्राचार्यले हस्ताक्षर गरेका हुन् ।
सम्झौता अनुसार नेपाल क्लियरिङ्ग हाउस लिमिटेडले बैकलाई अन्तरबैंक विद्युतीय भुक्तानी सेवा संचालनको लागि एनसीएचएल आईपीएस प्रणाली उपलब्ध गराउने छ । सो प्रणाली मार्पmत कम्पनीसंग आवद्ध सदस्य बैंक तथा वित्तीय संस्थाहरुमा रहेका ग्राहकहरुको कुनै पनि खातामा भुक्तानी दिने र लिने जस्ता कारोबारहरु पूर्णतया रुपमा संचालन गर्न सक्नेछन् । ग्राहकको रकम स्थानान्तरण, डिभिडेन्ट पेमेन्ट, आइपीओ रिफन्ड, बिल भुक्तानी, प्रीमियम भुक्तानी, सामाजिक सुरक्षा भत्ता, पेन्सन÷तलब भुक्तानी, रेमिटेन्स लगायतका कुनै पनि प्रकारका भुक्तानी दिने तथा लिने सेवा यस प्रणालीबाट सदस्य बैंक तथा वित्तीय संस्थाहरुले गर्न सक्नेछन् ।
यस प्रणालीका मा हालसम्म क्लियरिंग हाउसले ७१ बैंक तथा वित्तीय संस्थाहरुसंग प्रत्यक्ष र तीन रेमिट कम्पनीहरु र एक मर्चेन्ट बैकिङ्ग कम्पनीसंग अप्रत्यक्ष रुपमा सम्झौता गरिसकेको छ ।