बैंकले गत मंसिर १९ गतेदेखि माघ २ गते सम्म ५० प्रतिशत हकप्रद निष्काशन गरेको थियो । त्यसमा नबिकेको तीन लाख २३ हजार दुई सय छ कित्ता साधारण तथा ४८ हजार छ सय २३ कित्ता संस्थापक सेयर लिलाममा राखेको थियो । जसमा ३८० रुपैँसम्म अधिकतम आवेदन गरेकोमध्ये ३२५.५० रुपैँयासम्म आवेदन गर्ने २१९ जना लगानीकर्ताले साधारण लिलामको सेयर सकारेका थिए । संस्थापक सेयरमध्ये अधिकतम ३०१ रुपैँयासम्म आवेदन परेपनि २११.३० रुपैँया आवेदन गर्ने बोलकबोलदाताले संस्थापक सेयर सकारेका हुन् ।
बैंकले फागुन २७ गतेदेखि चैत ३ गतेसम्म बोलकबोलको आवेदन लिएर चैत ४ गते बोलकबोल खोली १० गते बाँडफाँड गरेको थियो । बैंकको १८ औं साधारणसभाले २०.७५ प्रतिशत र १२ प्रतिशत हकप्रद जारी गरेर चुक्ता पूँजी ७ अर्ब ३९ करोड पुर्याउने निर्णय गरेको छ । बैंकको प्रतिसेयर आम्दानी २४.६६ रुपैँया रहेको छ ।