बैंकको सेयर निष्काशन तथा विक्री प्रबन्धक सिभिल क्यापिटल रहेको छ । हकप्रदमा सेयर बिक्री प्रबन्धक सिभिल क्यापिटल मार्केट, सिटिसी मल छैटौ तल्ला सुन्धारा, नेपाल बैंकको केन्द्रीय कार्यालय धर्मपथ, काठमाडौं तथा बैंकका अधिकांश शाखा कार्यालयबाट आवेदन दिन सकिनेछ । चैत २८ गतेसम्म बैंकको सेयर किनेर सेयरधनी बनेका लगानीकर्ताले बैंकको हकप्रद भर्न पाउनेछन् ।
राष्ट्र बैंकले २०७४ असार मसान्तसम्ममा सबै बाणिज्य बैंकले चुक्ता पूँजी आठ अर्ब रुपैँया पुर्याउनुपर्ने नीति तथा व्यवस्था अनुरुप बैंकले हकप्रदमार्फत पूँजी वृद्धि गर्न लागेको हो । हाल नेपाल बैंकको चुक्तापूँजी ६ अर्ब ४९ करोड रुपैयाँ छ । हकप्रद पश्चात बैंकको पूँजी आठ अर्ब चार करोडको हाराहारीमा पुग्नेछ । बैंकले दोस्रो त्रैमास सम्ममा एक अर्ब ८९ करोड खुद नाफा कमाएको छ ।
५१ प्रतिशत सेयर रणनितिक साझेदारलाई बिक्री गर्ने निर्णय गरेको बैंकले हाल कायम पूँजीलाई आठ अर्बको लक्ष्यमा लैजान हकप्रद निष्काशन गरेको हो । बैंकले गत जेठ २८ गतेसम्पन्न साधारण सभाबाट २३ दशलाव ७४ प्रतिशत हकप्रद निष्काशन गर्ने प्रस्ताव पारित गरेको थियो ।
दोस्रो त्रैमासिक प्रतिवेदन अनुसार बैंकको प्रति सेयर आम्दानी ५८ रुपैयाँ, प्रति सेयर नेटवर्थ १३५ रुपैयाँ, मूल्य आम्दानी अनुपात ७ गुणा र निस्क्रिय कर्जा २।८५ प्रतिशत मात्र रहेको छ ।
