एनआइसीको सेयर निष्काशन तथा बिक्री प्रबन्धकमा सिभिल क्यापिटल मार्केट रहेको छ ।
हकप्रद सेयरमा बिक्री प्रबन्धक सिभिल क्यापिटल मार्केट सिटिसी मलको छैटौं तल्ला सुन्धारा तथा एनआइसी एशिया बैंकको मुख्य कार्यालय थापाथली तथा अधिकांश शाखा कार्यालयबाट आवेदन गर्न सकिन्छ । चैत ६ गते आईतबारसम्म बैंकको सेयरमा स्वामित्व प्राप्त गरेका सेयरधनीले हकप्रद भर्न पाउनेछन् ।
एनआइसी एसियाले राष्ट्र बैंकले तोेकेको आठ अर्ब रुपैयाँ चुक्ता पूँजी पुर्याउन १५ प्रतिशत हकप्रद सेयर जारी गरेको हो । हाल बैंकको चुक्ता पूँजी पाँच अर्ब ८१ करोड ९६ लाख रुपैयाँ रहेको छ । हकप्रद सेयर निष्कासनपछि बैंकको चुक्ता पूँजी छ अर्ब ६९ करोड २५ लाख रुपैयाँ पुग्नेछ ।
चालु आर्थिक बर्षको तेस्रो त्रैमाससम्ममा एक अर्ब १३ करोड रुपैयाँ खुद नाफा कमाएर प्रतिसेयर आम्दानी २६ रुपैयाँ ०६ पैसा कायम गरेको छ । धितोपत्र बजारमा बैंकको सेयर आईतबार प्रतिकित्ता ४७० रुपैँयामा कारोबार भएको थियो ।
