नेप्सेले २४.८ प्रतिशत बोनसपछि लाइफ इन्स्योरेन्स कर्पाेरेसनको प्रतिकित्ता दुई हजार दुई सय ८४ रुपैयाँमा मूल्य समायोजन गरेको छ । यस आधारमा आइतबार कम्पनीको पहिलो कारोबार दुई हजार दुई सय ८४ रुपैयाँबाट सुरु भएको छ । कम्पनीको औषत आधार मूल्य दुई हजार पाँच सय २९ रुपैयाँ रहेको छ ।
कम्पनीले जेठ १९ गते नेपाल प्रज्ञा प्रतिष्ठान कमलादीमा बोलाएको १५ औ साधारणसभाले २४.८ प्रतिशत बोनस सेयर र बोनस सेयरमा लाग्ने कर प्रयोजनका लागि १.३ प्रतिशत नगद लाभांश प्रदान गर्ने प्रस्ताव पारित गर्दैछ ।
इन्स्योरेन्स कम्पनीले चैत मसान्तसम्ममा चार करोड ९८ लाख रुपैयाँ खुद नाफा कमाएर प्रतिसेयर आम्दानी ६.२१ रुपैयाँ कायम गरेको छ । एक अर्ब छ करोड ९४ लाख रुपैयाँ चुक्ता पूँजी रहेको कम्पनीको रिजर्भ कोषमा २२ करोड ९८ लाख रुपैयाँ सञ्चित रहेको छ । यस अवधिमा कम्पनीले जीवन बीमा कोषमा ३१ अर्ब ८९ करोड १७ लाख रुपैयाँ जम्मा गरेको छ ।
....मेरो लगानी डटकमको सह-प्रकाशन nepaljournal.com हेरेर प्रतिक्रिया तथा सुझाब दिनुहोला।
