यसरी बोनस सुचिकृत गराउने कम्पनीहरुमा एक बाणिज्य बैंक, एक विकास बैंक, दुई लघुवित्त र एक इन्स्योरेन्स कम्पनी रहेको छ ।
शुक्रबार नै काक्रेविहार विकास बैंक र युनाईटेड फाईनान्सले संस्थापक-साधारण सेयर अनुपात ५१:४९ कायम गर्न संस्थापक सेयरलाई साधारणमा रुपान्तरण गरेका छन् ।
कुमारी बैंक (KBL) ले शुक्रबार ५६ लाख ८० हजार तीन सय ९१ कित्ता बोनस सेयर सुचिकृत गराएको हो । कामना विकास बैंक (KMBL) को १४ लाख २७ हजार सात सय ४३ दशमलव ३० कित्ता बोनस सेयर पनि शुक्रबार नै सुचिकृत भएको छ ।
मिथिला लघुवित्त (MLBBL) को ६४ हजार पाँच सय एक दशमलव २० कित्ता बोनस सेयर सुचिकृत भएको छ भने रुरल माईक्रोफाइनान्स कम्पनी (RMDC) ले छ लाख २९ हजार दुई सय कित्ता बोनस सुचिकृत गराएको छ ।
त्यसैगरि एशियन लाईफ इन्स्योरेन्स कम्पनी (ALICL) ले १३ लाख ४२ हजार छ सय ५५ दशमलव ४० कित्ता बोनस सुचिकृत भएको छ ।
काक्रेविहार विकास बैंक (KKBL) ले ६५ हजार २१६ कित्ता संस्थापक सेयर साधारण सेयरमा परिवर्तन गरेको छ भने छ लाख तीन हजार चार सय २४ दशमलव ९० कित्ता संस्थापक सेयरलाई युनाईटेड फाईनान्स (UFL) ले साधारण सेयरमा रुपान्तरण गरेको छ । रुपान्तरण पछि दुबै कम्पनीको संस्थापक सेयर ५१ प्रतिशत र साधारण सेयर अनुपात ४९ प्रतिशत कायम भएको छ ।
.....मेरो लगानी डटकमको सह-प्रकाशन nepaljournal.com हेरेर प्रतिक्रिया तथा सुझाब दिनुहोला।
