नेपाल राष्ट्र बैंकले तोकेको चुक्तापूँजी पुर्याउने क्रममा बैंकले ७० प्रतिशत हकप्रद निष्कासन गरेकोे हो । बैंकले एक सय रुपैँया अंकित मूल्यको ९० लाख ७६ हजार दुई सय ९६ कित्ता सेयर निष्काशन गरेको छ ।
७० प्रतिशत हकप्रद निष्काशन पश्चात बैंकको पूँजी दुई अर्ब २० करोड रुपैँया हाराहारीमा पुग्नेछ ।
चालु आर्थिक वर्षको कमाईबाट बैंकले थप ३० करोड रुपैंया पूँजी थप गर्नु पर्ने हुन्छ ।
बैंकको सेयर निष्काशन तथा बिक्री प्रबन्धक एस क्यापिटल तथा गरिमाका सबै शाखाहरुबाट सेयरधनीले हकप्रद भर्न सक्नेछन् । बैंकको हकप्रदमा जेठ १७ गते आवेदन गने अन्तिम दिन हो ।
गरिमा विकास बैकले चालु आर्थिक बर्षको तेस्रो त्रैमासिक अवधिमा २४ करोड ८५ लाख रुपैँया खुद नाफा कमाएर प्रतिसेयर आम्दानी बार्षिक २५ रुपैयाँ ५६ पैसा कायम गरेको छ । यस अवधिमा बैंकले १३ अर्ब ३९ करोड निक्षेप संकलन गरेर १२ अर्ब नौ करोड रुपैँया कर्जा लगानी गरेको छ ।