यसरी सूचिकृत गर्ने कम्पनीहरुमा हिमालयन बैंकले सबैभन्दा बढि एक करोड ३४ लाख ९७ हजार ४३५ कित्ता बोनस सेयर सूचिकृत गराएको छ । त्यस्तै कैलाश विकास बैंकले बोनस तथा हकप्रद सेयर सूचिकृत गराएको हो । कैलाशले ३९ लाख ५० हजार ८४० कित्ता बोनस तथा ३१ लाख ६० हजार ६७२ कित्ता हकप्रद सेयर सूचिकृत गराएको छ ।
बुधबार नै सिभिल लघुवित्त ( यसअधिको आईएलएफसीओ लघुवित्त) ले ५० हजार कित्ता बोनस सेयर सूचिकृत गराएको छ । सिभिल बैंकले किनेपछि आईएलएफसीओ माईक्रोफाईनान्सको नाम सिभिल लघुवित्तमा परिणत भएको हो । यस्तै सेवा क्षेत्रको सोल्टी होटलले ५२ लाख ६५ हजार ५२४ कित्ता बोनस सेयर नेप्सेमा सूचिकृत गराएको हो ।
यसैविच यसअधिको एनसीएम मर्चेन्ट बैंकिंग लिमिटेडको नाम नेप्सेमा बुधबारबाट सनराईज क्यापिटल लिमिटेडमा परिवर्तन भएको छ । कम्पनीलाई सनराईज बैंकले किनेपछि बैंकको सहायक कम्पनीको रुपमा सञ्चालन हुँदै आएपनि बुधबारबाट नाम परिवर्तन भएको हो ।
.....मेरो लगानी डटकमको सह-प्रकाशन nepaljournal.com हेरेर प्रतिक्रिया तथा सुझाब दिनुहोला।
