सेयर निष्काशन सम्बन्धि सम्झौतामा एशियन लाईफ ईन्स्योरेन्स कम्पनीका प्रमुख कार्यकारी अधिकृत राजेश कुमार श्रेष्ठ र एनआईबिएल क्यापिटल मार्केट्सका महाप्रबन्धक मेख बहादुर थापाले बुधबार हस्ताक्षर गरेका हुन ।
एशियन लाईफले हाल कायम चुक्तापूँजीको ५० प्रतिशत अर्थात प्रतिसेयर एक सय रुपैयाँको दरले ४० करोड २७ लाख ९६ हजार ६ सय रुपैयाँ बराबरको ४० लाख २७ हजार ९६६ कित्ता हकप्रद सेयर निष्काशन गर्नेछ ।
हकप्रद शेयर निष्कासन पश्चात यस कम्पनीको चुक्ता पुँजी एक अर्ब २० करोड ८३ लाख ८९ हजार ८६० रुपैयाँ पुग्नेछ । विमा समितिको निर्देशन अनुसार कम्पनीले ०७५ असारसम्ममा चुक्तापूँजी दुई अर्ब रुपैयाँ पुर्याउनु पर्नेछ ।
हाल कम्पनीले ७२ वटा उपशाखा तथा २३ वटा शाखा कार्यालयहरु मार्फत सेवा दिदै आएको छ । २०७३ चैत्र मसान्तसम्म यस कम्पनीको जीवन बीमाकोष ९ अर्ब ४२ करोड, लगानी ९ अर्ब ६ करोड रहेको छ ।
.....मेरो लगानी डटकमको सह-प्रकाशन nepaljournal.com हेरेर प्रतिक्रिया तथा सुझाब दिनुहोला।
