एसबिआई बैंकले जेठ ७ गतेबाट एक अर्ब ९९ करोड १९ लाख ४२ हजार ३६० रुपैँयाको एक करोड ९९ लाख १९ हजार चार सय २३ दशमलव ६० कित्ता हकप्रद बिक्री खोलेको हो ।
एसबिआईको हकप्रदमा गत बैशाख २५ गते सोमबारसम्म कायम बैंकका सेयरधनीले मात्र आवेदन गर्न पाउनेछन ।
बैंकको हकप्रद निष्काशनका एनएमबि क्यापिटलले बिक्री प्रवन्धकको काम गरेको छ । एसबिआई बैंकका सबै शाखा कार्यालयहरु, एसबिआई मर्चेन्ट बैकिंग लिमिटेड हात्तिसार, र एनएमबि क्यापिटल नागपोखरीबाट आवेदन फारम बुझाउन सक्नेछन् ।
४० प्रतिशत हकप्रद पश्चात बैंकको पूँजी झण्डै ७ अर्ब रुपैयाँ पुग्नेछ ।
यस्तै हाम्रो विकास बैंक र गोर्खाज फाइनान्स कम्पनीले जारी गरिरहेको हकप्रद भर्ने पनि आजै अन्तिम दिन हो ।
हाम्रो विकास बैंकले गत जेठ ७ गतेदेखि चुक्ता पूँजीको दुई सय प्रतिशत अर्थात ३० लाख ५८ हजार ३३८ कित्ता तथा गोर्खाज फाइनान्स कम्पनीले गत जेठ १ गतेदेखि ५० प्रतिशत बराबरको २८ लाख ९३ हजार ३१३ कित्ता हकप्रद जारी गरेको हो ।
दुबैको धितोपत्र निष्काशन तथा बिक्री प्रबन्धक एनआइबीएल क्यापिटल रहेको छ ।
हाम्रोको हकप्रदमा बैशाख १० गतेसम्म सेयर किनेका लगानीकर्ताले विक्री प्रबन्धक एनआइबीएल क्यापिटल मार्केट्स,लाजिम्पाट, नेपाल इन्भेष्टमेन्ट बैंकको शाखा कार्यालयहरु विराटनगर, चिप्लेढुङ्गा पोखरा,वीरगञ्ज, नारायणगढ, नेपालगञ्ज र धनगढी र हाम्रो विकास बैंकको सबै शाखाबाट आवेदन गर्न सक्नेछन् ।
गोर्खाजको हकप्रदमा बैशाख १९ गतेसम्म कायम रहेका सेयरधनीले फाइनान्सको शाखाहरु डिल्लीबजार, बौद्ध, न्यूरोड, सातदोबाटो, सुर्य्विनायक, धरान, इटहरी, दमक, विर्तामोड,नारायणगढ, जनागल, र रवि (पाँचथर) शाखा तथा एनआइबीएल क्यापिटल मार्केट्स,लाजिम्पाटबाट हकप्रद भर्न सक्नेछन् ।
