एनआईसी एशियाको खडाचक्र नगरपालिका, वार्ड नं. १, मान्माको नयाँ शाखाको उद्धाटन नगरपालिकाका मेयर जसि पाण्डे र कालिकोट उद्योग बाणिज्य संघका अध्यक्ष सुर्य बहादुर शाहीले संयुक्त रुपमा गरेका हुन् ।
शाखा सञ्जाल, पूँजी संरचना, वासलातको आकार, ग्राहक संख्याहरुको आधारमा निजी क्षेत्रको अग्रणी बैंकको रुपमा सेवा प्रदान गर्दे आएको एनआईसीको ११७ शाखा कार्यालयहरु संचालनमा रहेको छ।
बैंकले हरेक सम्भावित बजार क्षेत्रमा आफ्ना ग्राहकलाई सेवा उपलब्ध गराउने अभिप्रायले अन्य विभिन्न स्थानहरुमा चाँडै नै थप शाखा संचालन गर्ने योजना अगाडि सारेको बैंकका प्रमुख कार्यकारी अधिकृत लक्ष्मण रिसालद्धारा जारी गरिएको विज्ञप्तीमा उल्लेख छ ।
