बिहीबार पाकिस्तानमा चिनियाँ राजदूतसँगको भेटवार्तापछि उनले भने ‘यस चीन पाकिस्तान आर्थिका कोरिडोरको माध्यमबाट हाम्रो आर्थिक क्रियाकलापमा पनि बृद्धि हुने र यसका माध्यमबाट देशको अर्थतन्त्रको विकासमा पनि सहयोग पुग्नेछ ।’
बिहीबार साँझ चिनियाँ राजदूत र पाकिस्तानी प्रधानमन्त्री अब्बासीबीच द्विपक्षीय भेटवार्ता भएको थियो । सो भेटवार्ताका क्रममा चिनियाँ राजदूतले चिनियाँ प्रधानमन्त्रीका तर्फबाट उनलाई बधाई पनि ज्ञापन गरेका थिए ।
सो बधाई सन्देशमा चिनियाँ प्रधानमन्त्रीले अब्बासीको नेतृत्वमा दुई देशको सम्बन्ध आगामी दिनमा थप सुमधुर बन्ने भन्दै मिलेर काम गर्न चीन तत्पर रहेको जानकारी गराएका थिए ।
त्यस भेटका क्रममा चिनियाँ राजदूतले गएको करिब चार बर्षयता चीन र पाकिस्तानबीचको सम्बन्ध थप सुदृढ भई नयाँ उचाईमा पुगेको भन्दै आगामी दिनमा पनि यो सम्बन्धले निरन्तरता पाउने धारणा राखे ।
पाकिस्तानका नवनियुक्त प्रधानमन्त्री अब्बासीलाई चीन सरकारका तर्फबाट बधाई ज्ञापन गर्न चिनियाँ राजदूतले प्रधानमन्त्रीलाई भेट गरेका हुन् । रासस/सिन्ह्वा