गत आर्थिक बर्षको चौथो त्रैमासमा बैंकले २८ करोड ९४ लाख रुपैयाँ खुद नाफा कमाएको छ । खुद नाफा अघिल्लो आर्थिक बर्षको तुलनामा ११२ प्रतिशत बढी हो । अघिल्लो आर्थिक बर्षमा बैंकले १३ करोड ६५ लाख खुद नाफा कमाएको थियो ।
देवले निष्कृय कर्जा अनुपात समेत उल्लेखनिय रुपमा घटाएको छ । अघिल्लो आर्थिक बर्षमा ३.९९ प्रतिशत रहेको खराब कर्जा समिक्षा अवधिमा १.२४ प्रतिशतमा झारेको छ ।
यस अधिसम्म बैंकले १० अर्ब ४१ करोड निक्षेप संकलन गरि ९ अर्ब ५७ करोड रुपैँया कर्जा लगानी गरेको छ । बैंकले यसअवधिमा एक अर्ब बढी व्याज आम्दानी गरेको छ ।
अघिल्लो आर्थिक बर्ष १४ प्रतिशत बोनस, ५० प्रतिशत हकप्रद बिक्री र युनियन फाइनान्सलाई खरिद गरेर पूँजी बढाएको देवको हाल चुक्तापूँजी एक अर्ब ४४ करोड पुगेको छ भने जगेडाकोषमा ४७ करोड छ । बैंकको प्रतिसेयर आम्दानी बार्षिक २० रुपैयाँ ०३ पैसा पुगेको छ ।
त्यस्तै बैंकको प्रतिशेयर नेटवर्थ एक सय ३२ रुपैयाँ ९७ पैसा र मुल्य आम्दानी अनुपात १२ दशमलव ९३ गुणा रहेको छ ।
बैंकले सहारा र साझा विकास बैंकलार्ई एक्वायर गर्ने सम्झौता गरिसकेको छ । प्रस्तावित संस्था प्राप्ति पछि ४० प्रतिशत हकप्रद शेयर जारी गरेर बैंकले आफ्नो चुक्ता पूँजी दुई अर्ब ५० करोड रुपैंया पुयाउन लागेको हो ।