राष्ट्र बैंकले तोकेको पूँजी पुर्याउने अभियान यी चार कम्पनीहरुले हकप्रद शेयर निष्कासन गरेका हन् ।
एभरेष्ट बैंकले असार १८ गतेदेखि ३ः१ अनुपातमा १ करोड ५० लाख ८८ हजार ८७ कित्ता सेयर बिक्री खुला गरेको हो । एभरेष्टको हकप्रदमा असार ६ गतेसम्म कायम रहेका सेयरधनीले मात्र आवेदन दिन सक्नेछन् ।
बैंकको बिक्री प्रबन्धक एनआइबीएल क्यापिटल मार्केट्स लजिम्पाट काठमाडौंबाट हकप्रदका लागि आवेदन दिन सकिनेछ । त्यसैगरी, एभरेष्ट बैंकको केन्द्रीय कार्यालय लाजिम्पाट काठमाडौं तथा यसका सम्पूर्ण शाखा कार्यालयबाट पनि आवेदन दिन सकिनेछ ।
गूडविल फाइनान्स लिमिटेडले १० बराबर ६ (१०ः६) को अनुपातमा गत असार १८ देखि साउन २२ गतेसम्मका लागि विक्री खुला गरेको हो । असार १ गतेसम्म शेयर स्वामित्व भएका शेयरधनीले आवेदन दिन सक्नेछन ।
कम्पनीको शेयर निष्कासन तथा विक्री प्रबन्धक एनआईबीएल क्यापिटल मार्केट्स लिमिटेड छ ।
त्यसैगरी, पूर्णिमा विकास बैकले असार १९ गतेदेखि साउन २२ गतेसम्म ४ बराबर १ (४ः१) को अनुपातमा हकप्रद शेयर निष्कासन तथा विक्री खुला गरेको हो । बैंकको हकप्रदका लागि जेठ १५ गतेसम्म शेयर स्वामित्व भएका शेयरधनीले आवेदन दिन पाएका छन् ।
बैंकको शेयर निष्कासन तथा विक्री प्रबन्धक सिद्धार्थ क्यापिटल लिमिटेड छ ।
