८४ करोड ८१ लाख रुपैयाँ चुक्ता पूँजी भएको अरुण भ्याली कम्पनीको जगेडा कोषमा ९ करोड २३ लाख रुपैयाँ सञ्चित छ । कम्पनीले चुक्ता पूँजी प्रतिशत १० प्रतिशत र जगेडाकोष १६.४८ प्रतिशतले बढाएको हो ।
कम्पनीले ५१ करोड ८५ लाख लगानीमा सामान्य वृद्धि गरी ५५ करोड ११ लाख रुपैयाँ पुर्याएको छ । विद्युत बिक्रीबाट हुने आम्दानी भने २१.९७ प्रतिशत घटेर ५ करोड १६ लाख रुपैयाँमा झरेको छ । सञ्चालन नाफा गत वर्षको तुलनाभन्दा ४६ दशमलव १७ प्रतिशतले बढेर ११ करोड २२ लाख रुपैंयाँ पुगेको छ । अघिल्लो वर्षको सोहि अवधिमा सञ्चालन नाफा ७ करोड ६८ लाख रुपैयाँ रहेको थियो ।
कम्पनीसँग कुल चालू सम्पत्ति १४ करोड ८९ लाख ४० हजार तथा चालू दायित्व दुई करोड ४७ लाख ४८ हजार रुपैयाँ रहेको छ । सेयर पूँजी र जगेडाकोष गरी कम्पनीसँग कूल कोषको आकार ९४ करोड पाँच लाख रुपैयाँ रहेको छ ।
कम्पनीको प्रति सेयर आम्दानी १० दशमलव ५६ रुपैयाँ, मूल्य आम्दनीको अनुपात २६ दशमलव १४ गुणा, प्रति सेयर नेटवर्थ ११० दशमलव ८९ रुपैयाँ र तरलता अनुपात ६ दशमलव ०२ प्रतिशत रहेको छ ।
