बोर्डबाट अनुमति पाएसँगै मेगा बैंकले कानुनी व्यवस्थामा अनुसार हकप्रद स्वीकृति पाएको मितिले दुई महिनाभित्र बिक्री गर्नुेपर्नेछ । बैंकले एक सय रुपैँयाका दरले २ अर्ब ९७ करोड ८५ लाख ३ हजार ४३३ रुपैंया बराबरको २ करोड ९७ लाख ८५ हजार ३४ कित्ता हकप्रद सेयर जारी गर्न लागेको हो ।
हकप्रद बिक्री गर्न बैंकले नविल इन्भेष्टमेण्ट बैंकिङ लिमिटेडलाई सेयर निष्कासन तथा बिक्री प्रबन्धक नियुक्त गरिसकेको छ । बैंकले गएको बार्षिक साधारण सभाबाट ६५ प्रतिशत हकप्रद शेयर जारी गर्ने निर्णय गरेको थियो ।
हाल चार अर्ब ५८ करोड २३ लाख रुपैयाँ चुक्ता पूँजी रहेको बैंकको हकप्रद सेयर निष्काशनपछि चुक्ता पूँजी साँढे ७ अर्ब ५६ करोड पुग्नेछ । जसमा अपुग पूँजी बैंकले चालु आर्थिक बर्षको बोनसबाट पुर्याउनेछ ।
टुरिजम डेभलपमेण्ट बैंकलाई गाभ्ने प्रक्रियामा रहेको मेगााको टुरिजमलाई समेत गाभ्दा चुक्ता पूँजी नौ अर्ब बढी पुग्ने देखिन्छ ।
मेगा बैंकले गत आर्थिक बर्षमा ४३ प्रतिशतले खुद नाफा बढाएर ७९ करोड १४ लाख रुपैयाँ खुद नाफा कमाएर प्रतिसेयर अाम्दानी १७ रुपैयाँ २७ पैसा कायम गरेको छ ।
