यस अघि शतप्रतिशत हकप्रदको प्रताव गरेको इन्स्योरेन्सले पहिलो पटक त्यसलाई परिमार्जन गरी ७५ प्रतिशत 
बनाएको थियो । फेरी दोस्रो पटक उक्त हकप्रदलाई परिमार्जन गर्दै इन्स्योरेन्सले ६० प्रतिशत हकप्रद निष्काशन गर्ने निर्णय गरेको थियो ।
अहिले इन्स्योरेन्सको चुक्ता पूँजी एक अर्ब ३२ करोड ४८ लाख रुपैयाँ छ । २५ प्रतिशत अर्थात ३३ करोड १२ लाख बराबरको बोनसपछि कम्पनीको चुक्ता पूँजी एक अर्ब ६५ करोड ६० लाख रुपैंया पुग्नेछ ।
त्यस पछि ६० प्रतिशत अर्थात ९९ करोड ३६ लाख बराबरको हकप्रद बिक्री गरे पछि इन्स्योरेन्सको चुक्ता पूँजी दुई अर्ब ६४ करोड ९६ लाख रुपैंया पुग्नेछ ।
२५ प्रतिशत बोनस सेयरको कर प्रयोजनका लागि इन्स्योरेन्सले एक दशमलब ३२ प्रतिशत नगद लाभांस विबरण गर्ने प्रस्ताव पनि पारित गरेको छ ।
