हिमालयन जनरल इन्स्योरेन्स कम्पनीले एक सय रुपैयाँ दरको ६४ लाख २० हजार कित्ता हकप्रद सेयर निष्काशन गरेको हो । असार १५ गतेसम्म कायम रहेका सेयरधनीले हकप्रदमा आवेदन दिन पाउनेछन् । हकप्रदमा एनएमबि क्यापिटल नागपोखरी र एनएमबि बैंकको शाखाहरु सूर्यबिनायक भक्तपुर, कुमारीपाटी ललितपुर, तीन दोबाटो बनेपा, ट्राफिक चोक बुटवलबाट आवेदन गर्न सक्नेछन् ।
त्यस्तै, एनएमबि बैंकको अन्य शाखाहरु महेन्द्रपथ धरान, रंगेली रोड विराटनगर,सुर्खेतरोड नेपालगञ्ज, बसपार्करोड धनगढी, न्यूरोड पोखरा, आदर्शनगर वीरगञ्ज, नारायणगढ चितवन, भानुचोक जनकपुर र बिर्तामोड झापाबाट समेत हकप्रदमा आवेदन गर्न सकिने कम्पनीले जनाएको छ ।
हाल ३८ करोड ५२ लाख रुपैयाँ चुक्ता पूँजी रहेको हिमालयनको हकप्रद सेयर बिक्री पश्चात बीमा समितिले तोकेको सीमा भन्दा बढि एक अर्ब दुई करोड रुपैयाँ नाघ्नेछ । कम्पनीले चालु आवको तेस्रो त्रैमासमा १२ करोड २१ लाख रुपैयाँ खुद नाफा कमाएर प्रतिसेयर आम्दानी २० रुपैयाँ ९१ पैसा रहेको छ । कम्पनीकाे सेयर अाइतबार अन्तिम पटक नेप्सेमा प्रतिकित्ता ८२२ रूपैयाँमा काराेबार भएकाे छ ।