समिटले अघिल्लो आर्थिक वर्षमा तीन करोड ७२ लाख ३४ हजार रुपैंया खुद नाफा कमाएको थियो । उसले खुद नाफा ३४.५४ प्रतिशतले बढाएको हो । उसको चुक्ता पूँजी सात करोड २५ लाख रुपैंया छ ।
२० करोड रुपैंया चुक्ता पूँजी रहेको फरवार्डले अघिल्लो आर्थिक वर्षमा १७ करोड ३० लाख दुई हजार रुपैंया खुद नाफा गरेको थियो । समीक्षा अवधिमा फरवार्डको खुद नाफा ४४.९० प्रतिशतले खुद नाफा बढाएको हो ।
फरवार्डको चुक्ता पूँजी भन्दा खुद नाफा धेरै भएका कारण प्रतिसेयर आम्दानी एक सय २५ रुपैंया ३४ पैसा कायम भएको छ । अघिल्लो आर्थिक वर्षमा साधारण निष्काशन नगर्दै उसको प्रतिसेयर आम्दानी एक सय २३ रुपैंया ५७ पैसा थियो । उसले गत आर्थिक वर्षमा नै छ करोड रुपैंया बराबरको छ लाख कित्ता साधारण सेयर निष्काशन गरेको थियो ।
उता समिटको खुद नाफा बढ्दा प्रतिसेयर आम्दानी ६९ रुपैंया १० पैसा कायम भएको छ । अघिल्लो आर्थिक वर्षमा पाँच करोड चुक्ता पूँजी हुँदा समिटको प्रतिसेयर आम्दानी ७४ रुपैंया ४६ पैसा थियो । यस आधारमा पूँजीमा भएको वृद्धि अनुसार समिटले प्रतिसेयर आम्दानी सन्तुलन गनै नसकेको देखिन्छ ।
फरवार्डको जगेडा कोषमा ५९ करोड ९७ लाख ८३ हजार रुपैंया सञ्चित हुँदा प्रतिसेयर नेटवर्थ दुई सय ७४ रुपैंया ५४ पैसा छ । समिटको जगेडा कोषमा आठ करोड १४ लाख ८२ हजार रुपैंया सञ्चित हुँदा प्रतिसेयर नेटवर्थ दुई सय १२ रुपैंया ३९ पैसा छ ।
फरवार्डको निष्कृय कर्जा अनुपात ०.२९ प्रतिशत छ भने मूल्य आम्दानी अनुपात ३०.८० गुणाले बढी छ । समिटको निष्कृय कर्जा अनुपात ०.३४ प्रतिशत रहेको छ भने मूल्य आम्दानी अनुपात ४३.४३ गुणाले बढी छ ।