सिद्धार्थ बैंकले गत जेठ २५ देखि असार २८ गतेसम्म ३० % हकप्रद निष्कासन गर्दा बिक्री नभएको सेयर अहिले लिलामी गर्न लागेको हो ।
इच्छुक लगानीकर्ताले बिक्री प्रबन्धक सिद्धार्थ क्यापिटलको कार्यालय, नारायणचौर नक्सालमा पुग्ने गरी बोलपत्र फारम पेस गर्नुपर्नेछ ।
लगानीकर्ताले भदौ ६ गतेदेखि १४ गतेसम्म शिलबन्दी बोलपत्र पेश गर्न सक्नेछन् । बोलपत्र पेश गर्दा न्यूनतम प्रतिकित्ता १०० रुपैयाँ तथा १०० कित्ताका लागि बोलपत्र पेश गर्नुपर्नेछ । लगानीकर्ताले अधिकतम कित्ताका लागि कुनै हद नतोकिएकाले बिक्रीमा राखिएको सम्पूर्ण कित्ताका लागि आवेदन गर्न सक्नेछन् ।
बोलपत्र भदौ १५ गते बिहान ७ बजे सिद्धार्थ क्यापिटलमा खोलिने कम्पनीले जनाएको छ । ।
बैंकले गत आर्थिक वर्षको चौथो त्रैमासमा १ अर्ब ४१ करोड ८० लाख ६ हजार रुपैयाँ खुद नाफा छ । बैंकको चुक्ता पुँजी ६ अर्ब ६२ करोड ८८ लाख ७९ हजार रुपैयाँ छ । सिद्धार्थको प्रतिसेयर आम्दानी २१ रुपैयाँ ३९ पैसामा र प्रतिसेयर नेटवर्थ १४९ रुपैयाँ ५४ पैसा छ ।