हिमालयन जनरल इन्स्योरेन्सले १६६.६७ प्रतिशत बराबरको एक सय रुपैयाँ दरको ६४ लाख २० हजार कित्ता हकप्रद सेयर हकप्रद जारी गरेको हो ।
असार १५ गतेसम्म कायम रहेका सेयरधनीले इन्स्योरेन्सको हकप्रदमा आवेदन दिन पाउनेछन् । एनएमबि क्यापिटल नागपोखरी र एनएमबि बैंकको शाखाहरु सूर्यबिनायक भक्तपुर, कुमारीपाटी ललितपुर, तीन दोबाटो बनेपा, ट्राफिक चोक बुटवलबाट सेयरधनीले हकप्रदमा आवेदन गर्न सक्नेछन् ।
त्यस्तै, एनएमबि बैंकको अन्य शाखाहरु महेन्द्रपथ धरान, रंगेली रोड विराटनगर,सुर्खेतरोड नेपालगञ्ज, बसपार्करोड धनगढी, न्यूरोड पोखरा, आदर्शनगर वीरगञ्ज, नारायणगढ चितवन, भानुचोक जनकपुर र बिर्तामोड झापाबाट समेत हकप्रदमा आवेदन गर्न सकिने क्यापिटलले जनाएको छ ।
हाल ३८ करोड ५२ लाख रुपैयाँ चुक्ता पूँजी रहेको हिमालयनको हकप्रद सेयर बिक्री पश्चात बीमा समितिले तोकेको सीमा भन्दा बढि एक अर्ब दुई करोड रुपैयाँ नाघ्नेछ । कम्पनीले गत आर्थिक बर्षमा १३ करोड १९ लाख रुपैयाँ खुद नाफा कमाएर प्रतिसेयर आम्दानी ३४ रुपैयाँ २७ पैसा रहेको छ ।