संघले पछिल्ला दिनमा प्रिन्ट मिडियामा बजारलाई नकरात्मक असर पार्ने समाचार प्रकाशित भएको जनाउँदै त्यस्ता समाचारको सत्यतथ्य र दिर्घकालीन प्रभावको मूल्याङ्कन नगरी लगानीकर्ताले तिब्र प्रतिक्रिया जनाउनु दुखदायी भएको जनाएको छ ।
धितोपत्र बोर्डले बजार विस्तारको काम अगाडि बढाएको, अनलाइन सेवा सुरुवातको चरणमा रहेको, गैरआवासीय नेपालीलाई पूँँजी बजारमा लगानीको वातावरण निमार्णको पहलको पहल भइरहेको अवस्थामा लगानीकर्ताले सुझबुझपूर्ण तरिकाले लगानीसम्बन्धी निर्णय लिनुपर्ने संघको ठहर छ ।
संघले बैंकहरुले मार्जिन कर्जामा दिइने ब्याजदर सस्तो बनाउँदै लगेको, २० अर्बको रुपैयाँको नयाँ खुल्ने पूर्वाधार विकास बैंक र नयाँ बीमा कम्पनीहरुले समेत सेयर बजारमा लगानी बढाउने हुँदा बढ्दो आपूर्तिको व्यवस्थापनमा सहयोग पुग्ने जनाएको हाे ।
सूचीकृत कम्पनीहरुले राम्रो नाफा कमाएको वित्तीय विवरण सार्वजनिक भएका र देशको आर्थिक अवस्था समेत सन्तोषजनक अवस्थामा रहेकोले सेयर बजार निरन्तर ओरालो झर्नुपर्ने कारण नरहेको संघको भनाई छ । यस्ताे अवस्थामा लगानीकर्ताले विवेकपुर्ण निर्णय लिन संघले सबै सेयर लगानीकतार्मा अाग्रह गरेकाे छ ।
सिद्धार्थ बैंकले ल्यायो ‘मेरो सेयर खाता’, वार्षिक ६ प्रतिशत ब्याजदर
१२ मेगावाट क्षमताको दोर्दीखोलाको निमार्ण तीन बर्षमा सक्ने लक्ष्य
