नबिल बैंकले आगामी असोज १० गते ३३ औं वार्षिक साधारणसभा बोलाएको छ । बैंकले गत आर्थिक वर्षको नाफाबाट ३० प्रतिशत बोनस सेयर र १८ प्रतिशत नगद लाभांश गरी ४८ प्रतिशत लाभांश वितरणको प्रस्ताव पारित गर्नेछ ।
बैंकको अगामी साधारणसभाले पारित गरेपछि लगानीकर्ताले प्रस्तावित लाभांस पाउने छन् ।
साधरणसभा र लाभांश प्रयोजनको लागि बैंकको भदौ २७ गते सेयरधनी दर्ता किताब बन्द गर्ने भएको छ । भदौ २६ गतेसम्म कायम बैंकका सेयरधनीले मात्र लाभांश पाउनेछन ।
गत आर्थिक वर्षमा तीन अर्ब ६२ करोड आठ लाख रुपैयाँ खुद नाफा कमाएको बैंकको चुक्ता पूँजी छ अर्ब १८ करोड छ , प्रस्तावित बोनस बितरण पश्चात बैंकको चुक्ता पूँजी आठ अर्ब चार करोड ११ लाख रुपैंया पुग्नेछ ।
साथै बैंकले अधिकृत पूँजी १० अर्ब रुपैयाँ पुर्याउने प्रस्ताव पनि गरेको छ ।
सिटिजन्स बैंकको साधारणसभा असोज ९ गते, १६ प्रतिशत बोनस
यस्तै सिटिजन्स बैंकले असोज ९ गते ११ औं वार्षिक साधारणसभा बोलाएको छ । बैंकले साधारणसभाबाट १६ प्रतिशत बोनस सेयर वितरण गर्ने प्रस्ताव पारित गर्नेछ । साथै कर प्रयोजनका लागि एक प्रतिशत नगद लाभांश समेत वितरण गर्नेछ ।
बैंकले साधारणसभा प्रयोजनका लागि भदौ १२ देखि १६ गतेसम्म सेयरधनी किताब बन्द गरेको थियो । भदौ ११ गतेसम्म कायम रहेका बैंकका सेयरधनीले मात्र साधारणसभामा भाग लिन र प्रस्तावित बोनस सेयर पाउन योग्य हुनेछन ।
बैंकले गत आर्थिक वर्षमा एक अर्ब २१ करोड रुपैयाँ खुद नाफा कमाएको थियो ।
हाल सिटिजन्स् बैंकको चुक्ता पूँजी ६ अर्ब ९२ करोड रुपैयाँ रहेको छ । १६ प्रतिशत बोनसपछि बैंकको चुक्ता पूँजी आठ अर्ब दुई करोड पुग्नेछ ।
यसअघि एनआइसी एशिया बैंकले भदौ ३० गतेका लागि साधारणसभा डाकिसकेको छ। हालसम्म दशैँ अगावै साधारणसभा बोलाउने वाणिज्य बैंकको संख्या तीन पुगेको छ ।
सिद्धार्थ बैंकले ल्यायो ‘मेरो सेयर खाता’, वार्षिक ६ प्रतिशत ब्याजदर
१२ मेगावाट क्षमताको दोर्दीखोलाको निमार्ण तीन बर्षमा सक्ने लक्ष्य
