एनसीसीले हाल कायम रहेका सेयरधनीहरुकोे लागि २ कित्ता सेयर बराबर १ कित्ता सेयर अनुपातले हुने दुई करोड ३३ लाख ९५ हजार २९१ कित्ता हकप्रद सेयर निष्काशन गर्नका लागि सनरार्इज क्यापिटल लिमिटेडलाई निष्काशन तथा बिक्री प्रबन्धकमा नियुक्त गरेको हो ।
हकप्रद सेयर निष्काशन सम्झौतामा बैंकको तर्फबाट प्रमुख कार्यकारी अधिकृत रमेश राज अर्याल र सन्राइज क्यापिटलको तर्फबाट प्रमुख कार्यकारी अधिकृत बिजय लाल श्रेष्ठले हस्ताक्षर गरेका छन् ।
हाल बैंकको चुक्ता पूँजी चार अर्ब ६७ करोड रुपैयाँ रहेको छ । हकप्रद सेयर निष्काशन पश्चात बैंकको चुक्ता ७ अर्ब एक करोड ८५ लाख ८७ हजार ३०० रुपैयाँ कायम हुनेछ ।
हकप्रद शेयर जारी पश्चात कायम हुने चुक्ता पूँजीमा बैंकसँग गाभिएका चारवटा विकास बैंकहरुको सेयर आदान प्रदान अनुपातका आधारमा फरक भए बमोजिमको पूँजी कोषमा लेखाङ्कन गरिएको रकम ९८ करोड ६० लाखलाई पूँजीकृत गरेपछि बैंकको चुक्ता पूँजी ८ अर्ब पुग्ने बैंकले जनाएको छ ।
सिद्धार्थ बैंकले ल्यायो ‘मेरो सेयर खाता’, वार्षिक ६ प्रतिशत ब्याजदर
१२ मेगावाट क्षमताको दोर्दीखोलाको निमार्ण तीन बर्षमा सक्ने लक्ष्य
