नेप्सेका अनुसार हाल नेप्सेमा सूचिकृत रहेका १९६ वटा कम्पनीहरुमध्ये असोज ३० गतेसम्म १४८ कम्पनीले नविकरण शुल्क बुझाएका छन् । अझै ४८ कम्पनीले नविकरण शुल्क बुझाउन बाँकी रहेको छ । त्यसमध्ये केही नामचलेका वाणिज्य बैंक समेत रहेका छन् भने अधिकांस विकास बैंक र माइक्रोफाइनान्स कम्पनी रहेको नेप्से स्रोतले जनाएको छ ।
असोज ३० गतेसम्म नविकरण शुल्क नबुझाउनेमा दुई वाणिज्य बैंक नबिल र एनसीसी बैंक रहेका छन् । यस्तै १८ वटा विकास बैंक, ९ वटा फाइनान्स, १४ उत्पादनमुलुक, २ वटा व्यापार र एक एक वटा होटल, जलविद्युत र अन्य समूहको कम्पनी रहेको नेप्सेले जनाएको छ ।
हालसम्म नविकरण शुल्क नबुझाउने कम्पनीका लागि आज एक दिनको समय रहेको छ । मंगलबार भित्र नविकरण शुल्क नबुझाए बुधबारबाट ती कम्पनीहरुको नविकरण शुल्क नबुझाएसम्मका लागि सेयर कारोबार रोक्का हुनेछ ।
धितोपत्र कारोबार नियमावली अनुसार एक करोड रुपैयाँसम्म चुक्ता पूँजी भएका कम्पनीले १५ हजार, एक करोडदेखि ५ करोडसम्म पूँजी भएकाले २५ हजार, ५ करोड देखि १० करोडसम्म भएकाले ३५ हजार र १० करोड माथि पूँजी भएकाले ५० हजार रुपैयाँ सूचिकरण नविकरण शुल्क बुझाउनु पर्ने व्यवस्था रहेको छ ।
................ सिद्धार्थ बैंकले ल्यायो ‘मेरो सेयर खाता’, वार्षिक ६ प्रतिशत ब्याजदर ..................
.................. १२ मेगावाट क्षमताको दोर्दीखोलाको निमार्ण तीन बर्षमा सक्ने लक्ष्य ..................