वोमी माइक्रोफाइनान्स कम्पनीले गत आर्थिक बर्षको नाफाबाट २० प्रतिशत बोनस सेयर तथा बोनस सेयरमा लाग्ने कर वापतको १.१०८ प्रतिशत नगद लाभांश वितरण गर्ने प्रस्ताव गरेको हो ।
कम्पनीको भदौ २५ गते आइतबार बसेको ९४ औं सञ्चालक समितिको बैठकले एक करोड २९ लाख ६० हजार रुपैयाँको बोनस तथा ७ लाख १८ हजार रुपैयाँको नगद लाभांश वितरण गर्ने प्रस्ताव गरेको हो । २० प्रतिशत बोनस वितरणपछि माइक्रोफाइनान्सको पूँजी ७ करोड ७७ लाख रुपैयाँ पुग्नेछ ।
कम्पनीले प्रस्ताव गरेको लाभांश राष्ट्र बैंकको स्वीकृति तथा कम्पनीको साधारणसभाबाट पारित गरेपछि सेयरधनीलाई वितरण हुनेछ ।
६ करोड ४८ लाख रुपैयाँ चुक्ता पूँजी रहेको वोमी माइक्रोफाइनान्सले गत आर्थिक वर्षमा दुई करोड १० लाख रुपैंया खुद नाफा कमाएर प्रतिसेयर आम्दानी ३२ रुपैयाँ ४१ पैसा तथा मूल्य आम्दानी अनुपात ६१.०६ गुणा कायम गरेको छ ।
.................. सिद्धार्थ बैंकले ल्यायो ‘मेरो सेयर खाता’, वार्षिक ६ प्रतिशत ब्याजदर ..................
.................. १२ मेगावाट क्षमताको दोर्दीखोलाको निमार्ण तीन बर्षमा सक्ने लक्ष्य ..................
