कम्पनीको गत भदौ ३० मा सम्पन्न ६७ औं र ६८ औं बार्षिक साधारणसभाले ५ प्रतिशत बोनसपछि शत प्रतिशत हकप्रद बिक्री गर्नेे निर्णय गरेको थियो । कम्पनीले बीमा समितिले तोकेको चुक्तापूँजी पुर्याउने क्रममा हकप्रद बिक्री गर्न लागेको हो ।
कम्पनीको हालको चुक्ता पूँजी २८ करोड ७६ लाख रुपैयाँ रहेको छ । ५ प्रतिशत बोनस शेयर दिएसँगै चुक्ता पूँजी ३० करोड १९ लाख रुपैयाँ पुग्नेछ। त्यसपश्चात शतप्रतिशत हकप्रद जारी गर्दा कम्पनीको पूँजी ६० करोड ३९ लाखको हाराहारीमा पुग्नेछ ।
बीमा समितिले निर्देशन बमोजिमको एक अर्ब चुक्ता पूँजी पुर्याउन कम्पनीलाई अझै ३९ करोड ६० लाख अपुग हुने देखिन्छ ।
निर्जीवन बीमा कम्पनीहरुले आगामी असारमसान्तसम्ममा एक अर्ब चुक्तापूँजी पुर्याउनु पर्नेछ ।
कम्पनीले गत आर्थिक बर्षको अन्त्यसम्मा ११ करोड २० लाख रुपैयाँ नाफा कमाएको छ । कम्पनीको जगेडाकोषमा १६ करोेड ७ लाख रुपैयाँ र बीमा कोषमा १३ करोड ४० लाख रुपैयाँ राखेको छ ।
बीमाले यस अबधिमा बीमा शुल्क (खुद) ३१ करोड ६७ लाख रुपैयाँ आर्जन गरेको छ भने २६ करोड ९० लाख रुपैयाँ बराबरको भुक्तानी दाबी (खुद) गरेको छ । यस अवधिमा कुल बीमा शुल्क रकम ७४ करोड ३९ लाख रुपैयाँ रहेको छ भने कुल दाबी भुक्तानी रकम ४२ करोड ५१ लाख रुपैयाँ गरेको छ ।
............... सिद्धार्थ बैंकले ल्यायो ‘मेरो सेयर खाता’, वार्षिक ६ प्रतिशत ब्याजदर ..................
.................. १२ मेगावाट क्षमताको दोर्दीखोलाको निमार्ण तीन बर्षमा सक्ने लक्ष्य ..................
